Mëngjesin e sotëm një sasi tritoli është vendosur në ambientet e jashtme të një hoteli në Razëm të Malësisë së Madhe.
Korrespodenti i Top Channel, Klodian Zhivani bën me dije se pronari i këtij biznesi, i cili ka pasur vetëm dëme te pjesa e reklamës, është Fredi Sterkaj.
Ky i fundit është një emër i njohur në Malesinë e Madhe pasi për disa vite me rradhë ka drejtuar komunën e Shkrelit si dhe ka qënë drejtues i degës së PD-së në Malesinë e Madhe.
Ndërkohe këtë të diel, Sterkaj u zgjodh kryetar i degës së Rithemelimit në Malesinë e Madhe. Në një proces ku 4 kandidatët e tjerë u tërhoqen nga gara.
Sterkaj, gjatë një komunikimi jashtë kamerave thotë se lënda plasëse është vendosur në parkingun publik në afersi të hotelit të tij.
Sipas Sterkaj, shpërthimi nuk ka lidhje me pronën e tij dhe me familjen e tij. “Parkingu është i fshatit turistik të Razmes dhe aty parkojnë, të gjithë”, thotë Sterkaj.
Top Channel
