Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Deputeti i PD, Ervin Salianji, gjatë një takimi të zhvilluar sot me mbështetës të PD në Durrës, ka hedhur akuza ndaj kreut të qeverisë, duke thënë se “ka shfrytëzuar përplasjen dhe përçarjen e demokratëve për ta varfëruar akoma dhe më shumë Shqipërinë”.
Salianji po ashtu u ndal edhe në takimin e Edi Ramës në Athinë me shqiptarët, teksa tha se “mori të gjithë shkaktarët e përzënies së qytetarëve shqiptarë”.
“Kemi qeveri, një kryeministër, kemi qeveritarë që nuk kujdesen për interesat e qytetarëve. Kemi një qeveri e cila ka shfrytëzuar përplasjen dhe përçarjen tonë për ta varfëruar akoma dhe më shumë Shqipërinë. Për ta zhvendosur fokusin nga përmirësimi i cilësisë së jetës së qytetarëve dhe për ta kthyer se çfarë po ndodh në PD.
E patë sot të gjithë se si në një aktivitet në Athinë, Edi Rama çoi që të gjithë shkaktarët e përzënies së qytetarëve shqiptarë, i kishte me vete. Për çfarë shkuan atje të gjithë kryetarët e bashkive? Për çfarë shkuan në Athinë të gjithë drejtuesit e administratës publike? Për çfarë shkuan atje të gjithë banditët të cilët i shërbejnë Edi Ramës si këtu si atje? Për ti treguar qytetarëve që janë larguar nga kjo qeverisje se këta janë fytyra e vërtetë që kanë përzënë familjarët tuaj, nipërit dhe mbesat apo fëmijët.
Janë ata njerëz që me kontributin e tyre të drejtpërdrejtë në korrupsion në vjedhje me ngritjen në piedestal të injorancës në administratën publike, në prishjen e konkurrencës, në padrejtësitë që bëjnë një çdo cep të kësaj republike kanë bërë të mundur që sipas Eurostat 700 mijë shqiptarë të largohen nga Shqipëria. Dhe në ata 700 mijë shqiptarë që kanë ikur në vitet e fundit, e patë se si Edi Rama u detyrua të merrte bashkiakët nga Shqipëria, drejtorët nga Shqipëria, administratën nga Shqipëria e cila në mënyrën emblematike u përmblodh nga drejtori i Teatrit të Fierit”, tha ai.
Top Channel
