Prenotimet në Vlorë për fundvit! Qyteti bregdetar tërheq pushues nga Kosova dhe diaspora për festa
22/12 13:18
Guvernatori i Bankës së Shëqipërisë, Gent Sejko ka reaguar pas informacioneve se Prokuroria e Tiranës ka vlerësuar se ai duhet të hetohet për “shpërdorim detyre” nga SPAK, pasi dyshohet se mori masa të vonuara dhe të papërshtatshme për të frenuar skemën e dyshuar të mashtrimit ndaj mijëra qytetarëve nga shoqëria e mikrokredive MCA.
Ai tha se nuk ka informacion zyrtar nga SPAK apo nga Prokuroria e Tiranës, ndërsa theksoi se Banka e Shqipërisë nuk ka atribut për të hetuar mashtrimet financiare.
Sejko: Situatë informacioni mediash online, e gjithë historia e operimit me mikrokreditë, dua të sqaroj se poroblematikat me mikrokreditë lidhet me mbledhjen e kredive të këqija rreth viteve 2010, ne u përballëm në 2014-2015 me një portofol kredie të keqe, ne bëmë një plan masash urgjente. Banka e Shqipërisë dhe qeveria shqiptare duke iu referuar të gjitha elementëve që do të adresoheshin për kredinë e keqe, ky plan masash do të përfshinte rregullime rregullative dhe ligjore në këto kushte duhet të adresonte me urgjencë dhe të licensonte disa kompani, nuk është vetëm kjo kompani që është e akuzuar, por ka edhe kompani që operojnë këtë gjë.
Banka ka kryer këtë aktivitet duke adresuar, ka mbikëqyrur dhe licensuar kompanitë, kjo është historiku i performancës së kredive me probleme të ndjekura nga kompanitë që kanë specifikisht këtë aktivitet. Praktikisht nuk kemi asnjë informacion zyrtar nga prokuroria ose SPAK. Nuki kam një informacion konkret që të mund të shpjegoj me detaje e akuzës së ngritur për këtë kompani. Kemi mbikëqyrur brenda kërkesave ligjore dhe rregullative këto kompani me ekzaminime të p0lota dhe të pjesshme gjatë periudhës. Ne s’kemi atribut për të hetuar mashtrimet financiare.
Dhe kemi marrë masa në përputhje me ligjin në bazë të gjetjeve të shkeljeve të konstatuara, gjetjet e shkeljeve të konstatuara kanë qenë të një natyre ligjore rregullative brenda konsteksitit ligjor që ka banka qendrore që ka të bëjë me raportimin financiar dhe me rregullime të tjera që nuk kanë lidhje me mashtrimin financiar, pasi ne nuk kemi atribut të hetojmë mashtrimin financiar, hetohet nga gjykata dhe prokuroria me vendime. Banka qendrore ka setin e saj rregullativ dhe ligjor dhe i atribuohet atij seti bazuar në gjetjet dhe shkeljet që ka parë banka qendore ka marrë dhe masat si pezullimi i licensës. Pyetja ishte pse nuk është hequr licensa, licensa nuk është revokuar sepse revokimi do të nxirrte portofolin e klientëve jashtë regjistrit që administrohet nga Banka qendrore.
Nxjerrja nga regjistri i kredisë i klientëve që një pjesë paguajnë, një pjesë kanë vështirësi pagese do të bënte që në radhë të parë të krijohej perceptimi që kreditë falen dhe nuk do të paguanin dhe kjo do të krijonte një precedent, bumerang edhe në sistemin bankar, ata klientë që kanë paguar do të mbeteshin të listuar për keq, klientë të tjerë që nuk kanë paguar nuk do të ndiqeshin, problematika nuk do të zgjidhej.
Shqetësimi i ngritur nga media ngrihet që revokimi i licensës do të ndihmonte qytetarët, nuk do t’i ndihmonte qytetarët sepse borxhi është titull ekzekutiv, kontrata e kredisë kalon përmes gjykatës dhe zgjidhet me procedura përmbarimore, pra nuk i zgjidh banka qendrore, apo kompania por procedurat përmbarimore. Revoktimi i licensës nuk do të kishte asnjë lehtësim. Është një problem social dhe ne jemi sensitiv, banka ka marrë masa brenda kërkesave të saj ligjore në funksion të ndihmesës së klientëve.
Sejko u shprej se ka biseduar së fundmi me ministrin e Drejtësisë, Ulsi Manja për përcaktime më të sakta ligjore për të ardhmen për ndryshimin e ligjit për procedurat përmbarimore.
Sejko: Ankesat që kanë ardhur tek ne lidhen me procedurat përmbarimore, në harkun 2016-2024 kemi marrë 84 kërkesa në total për këtë kompani, dy vitet e fundit kemi marrë 35 kërkesa që lidhen me procedurat përmbarimore të cilat janë jashtë tagrit ligjor të bankës së Shqipërisë. Unë kam biseduar së fundmi me ministrin e Drejtësisë për përcaktime më të sakta ligjore për të ardhmen për ndryshimin e ligjit për procedurat përmbarimore, për fajdet, për gjithçka që në të ardhmen do ta përmirësojë këtë proces.
Banka e Shqipërisë ka marrë një vendim për penalitetet, niveli 30% që nuk duhet të kalojë, sikurse normën efektive të interesit për të kufizuar zmadhimin e detyrimit të klientëve, për të pasur një logjikë normale.
Lexo edhe:
Top Channel
