Një viktimë dhe dhjetëra të plagosur/ Aksidenti ajror në Singapor, si ndikojnë ndryshimet klimatike tek turbulencat 21/05 20:10
Policia gjermane ka tërhequr sot me forcë studentë dhe protestues të ulur prej ditësh para universitetit Humboldt në Berlin, që kërkonin fundin e luftës në Gaza dhe ndalimin e eksporteve të Gjermanisë për ushtrinë e Izraelit.
Prej një jave nga nisja e protestës, me sloganet e pankarta ata i kërkonin qeverisë gjermane të mbështesë armëpushim në konfliktin mizor, dhe të ndërpriten lidhjet e partneritetit me universitetet izraelite.
Më shumë se 50 policë u shfaqën mëngjesin e sotëm që bllokuan hyrjen e universitetit dhe larguan me forcë protestuesit.
Studentët e universitetit të Berlin, kishin shprehur kërkesat e tyre me slogane si “solidaritet me Gazën” dhe “çdo universitet në Gaza është një varrezë që financohet nga Gjermania.”
Vetë universiteti i Berlin kishte njoftuar studentët se disa nga sloganet e tyre shkelnin ligjin gjerman, në lidhje me nxitjen e urrejtjes racore me terma si “aparteid” ose “gjenocid”.
Zhvillimi sotëm vjen pas veprimeve të ngjashme policisë kundër studentëve pro-Palestinës në vende të tjera si Francë dhe SHBA, ndërkohë që konflikti rëndë vijon në Lindjen e Mesme.
Më shumë se 35 000 palestinezë janë vrarë nga fushata masive ushtarake e Izraelit kundër Gaza dhe zona të tëra rezidenciale janë shkatërruar e kthyer ne rrenoje nga bombardimet.
Ushtria thotë se fushata kryhet kundër grupit terrorist Hamas pas sulmit të 7 tetorit brenda Izraelit ku u vranë më shumë se 1000 izraelitë.
Top Channel
