Video/ Rama falenderon shqiptarët pas takimit në Londër: Më e mira akoma nuk ka ardhur 25/11 11:52
Deputeti Ervin Salianji, në interpelancën me ministrin e Brendshëm Taulant Balla në seancën e sotme në Kuvend, tha se policia e shtetit arreston vetëm shpërndarës droge, dhe jo krerët e bandave që tranportojnë tonelata me drogë.
Kjo deklaratë erdhi pas arrestimeve që u kryen sot në kryeqytet, ku ranë në pranga 20 persona. Ndër të tjera, në një tjetër deklaratë të tij të fortë, Salianji tha se ministrat paguhen me 500 mijë euro, për emërimin e shefave në komisariate.
Salianji: Ka tre herë ndryshime në këtë seancë plenare për këtë ligj. E ka sjellë me gjithë emra drejtoria e policisë. Gjithë milionat e urove dhe gjithë investimi për të përjashtuar një polic. Juve ju intereson që drejtuesit e policisë të jenë këta që lehtësojnë krimin. Ju pyeta për një rast që e keni ngritur vetë si shqetësim, përdorimi i telefonave SKY. A keni dijeni sa zgjat ky proces?
Puna e policisë së shtetit është që i gjen njerëzit pasi vriten. E gjen policia pasi ka rënë në humnerë, si rasti në Gjirokastër. Ne e kemi inkurajuar ata dhe që drejtuesit të mos i mbajnë peng dhe ata që punojnë me pagë të ulët të mos jenë të korruptuar.
Dy drejtuesit kryesorë i keni thënë që janë të çiftelia. Përmendni Lazaratin sikur të jetë territor i Afrikës. E bëtë kurban një ministër, ndërkohë të gjithë policët që ishin dhe në atë kohë janë ende.
Raporti i strukturës antikorrupsion thotë që në vitin 2023 vërehet një bashkëpunim me oficerë të policisë së shtetit që kanë luajtur role të ndryshme, këtu kemi edhe dëshminë e ish-drejtorit të policisë, që e keni hedhur në rrugë, por në fakt doli i pastër nga vettingu. Çfarë ka ndodhur me kryepleqtë? Nuk ndodhin rastësisht gjërat.
SPAK thotë që policia e shtetit është vënë në shërbim të shtetit, për të gjurmuar kundërshtarët. A keni fuqi për të ndërmarrë ndonjë hap
Një temë tjetër është përfshirja e biznesmenëve të fuqishëm, keni dëgjuar të këtë ndonjë operacion ndaj tyre. Çdo qytetar e di se kush kamuflohet dhe kush janë biznese reale.
Këto grupe kriminale kanë prezencë ose lidhje të fortë me qytetin e Durrësit, si vend tranzit për transportin e drogës, thotë raporti i SPAK dhe DASH. Ka ndonjë operacion në Durrës?
A keni fuqi t’i kapni këto me tonelata, ka ndonjë emër të fortë që i njeh i madh dhe i vogël dhe ta ndaloni? Shpërndarës ka sa të duash.
SPAK a thotë që është rritur sasia e lëndëve plasëse dhe eksplozivëve që vjen nga Kosova? Mes SPAK dhe DASH dhe policisë së shtetit jam i prirur të besoj këta.
Si mund të besohet policia ku në mes të Tiranës ndërtohen 7 kate pa leje me kullave por po bëri diku tjetër një avlli, në një fshat pa leje, e arrestoni edhe rrisni statistikat, fshihni rastin e burrit të ministres Ibrahimaj. Keni informacion që ministra marrin 500 mijë euro për të emëruar shefa komisariatesh që janë në përgjimet e SKY?
Pak ditë më parë iu vendos tritol gjyqtarit në Shkodër, u godit me armë një institucion i rëndësishëm mediatik, Top Channel, u vra një roje, akoma nuk e keni zbardhur.
Top Channel
