Në Kolegjin e Posaçëm të Apelimit u zhvillua vettingu në shkallën e dytë ndaj kreut të KLP, Alfred Balla, ankimuar nga Komisioneri Publik.
Pas disa orëve seancë dhe debat mes KP dhe avokates së Ballës, vendimi ndaj tuj u shty për në datën 21 maj.
Komisioneri Publik i kërkoi sot Kolegjit të Posaçëm të Apelimit ndryshimin e vendimit të KPK ndaj kreut aktual të KLP, Alfred Balla. Sipas Komisionerit Publik, vetingu ndaj Ballës duhej ndërprerë, por ai nuk duhet të ketë të drejtën të ushtrojë funksionet e prokurorit, gjyqtarit apo anëtarit të KLP e KLGJ në 15 vitet në vijim.
Avokatja e Ballës: Nuk është shprehur asnjëherë KLGJ se çfarë statusi ka zoti Balla. Edhe sot e kësaj dite ne nuk kemi një vendim se çfarë statusi ka? Nuk i takon KPK kjo gjë. Referimi i Komisionerit Publik është i pabazuar. Ndalimi kushtetues prej 15 vitesh si marrje vendimi ka në thelb dorëheqjen e subjektit, nuk ke si ndërpret për 15 vjet të drejtën kur unë s’kam dhënë dorëheqjen. Ky ngërç nuk ka ardhur nga zoti Balla por nga organet kushtetuese, kërkojmë të lihet në fuqi vendimi i KPK datë 16 qershor 2023.
Alfred Balla: Në rastin tim nuk jeni në rastin e dorëheqjes nga detyra. Jam zgjedhur si anëtar i shoqërisë civile . Ju depozitoj shkresat se nga jam zgjedhur unë në pozicionin kushtetues. Depozitoj shkresa për të gjithë historikun tim.
Çështja ndaj Alfred Ballës nuk lidhet me detyrën e rëndësishme që ai mban në krye të qeverisë së prokurorisë, një mandat që edhe këtu i ka përfunduar prej 19 dhjetorit ashtu si edhe një funksionareje tjetër, kreut të KLGJ Naureda Llagamit, por me precedentin e hapur nga shkalla e parë e vettingut që e përfshiu në rivlerësimin e trefishtë për shkak të detyrës që kishte mbajtur si ndihmës ligjor në Gjykatën e Lartë para 2017.
Kujtojmë se Komisioni i Pavarur i Kualifikimit në qershor 2023 u shpreh pa një vendim përfundimtar për Alfred Ballën pra me një vendim që nuk do të thotë as shkarkim dhe as konfirmim në detyrë për shkak se ai rezultoi të mos kishte pasur statusin e magjistratit, sipasd gazetares së Top Channel, Anila Hoxha, e cila po ndjek seancën.
Kleçka e çështjes Balla përfshinte një ndërprerje të marrëdhënies së punës e më tej një proces në gjykatë që sipas KPK do të thoshte humbje e statusit as nga vetting dhe as nga dorëheqja e tij, por nga ndërprerja e marrëdhënies së punës. Por, Komisioneri publik e kundërshtoi shkallën e parë të vetting-ut me kërkesën se vetting-u duhet të shprehet me një vendim të qartë. Sakaq, Balla drejton KLP një post që e mban si përfaqësues i shoqërisë civile dhe së bashku me dy anëtarë të tjerë Tartar Bazaj dhe Nurihan Seiti e kanë përfunduar mandatin dhe duhet të ishin zëvendësuar. E njëjta situatë është edhe në KLGJ, Naureda Llagami, Fatmira Luli dhe Alban Toro, të cilët duhet të ishin zëvendësuar prej katër muajsh.
Top Channel
