Sulmet nga Rusia, Zelensky: Po punojmë në zhvillimin e sistemeve të reja të mbrojtjes ajrore 22/11 20:17
Policia gjermane ka ndërhyrë sot me forcë për të çmontuar një kamp tendash në formë proteste para ndërtesës Reichstag në Berlin ku aktivistët i kërkonin qeverisë të ndalonte eksportet e armatimeve drejt Izraelit.
Protesta bënte thirrje kundër bombardimeve izraelite në Gaza por policia sot rrëzoi tendat, largoi aktivistët dhe shpërndau një grup të gjerë mbështetësish të kampit protestës .
Protesta e quajtur “Besetzung Gegen Besatzung” (Pushto kundër pushtimit) e cila kërkonte fundin e ofensivës së Izraelit në Gaza, ishte shpallur e jashtëligjshme disa ditë më herët nga autoritetet.
Të paktën 150 oficerë policie rrethuan afro 20 tendat e protestuesve para kancelarisë dhe njoftuan me megafonë ndalimin e aktivitetit por më pas ndërhynë për të hequr tendat dhe njerëzit që qëndronin aty.
Tendat e kampit ishin ngritur rreth dy javë më parë dhe oficerët kishin dorëzuar një urdhër ndalimi përfaqësuesve të kampit.
Policia tha sot se kishte nisur paqësisht spastrimin e kampit duke u justifikuar se aktivistët kishin bërë shkelje të vazhdueshme të ligjit si “nxitje urrejtjeje” apo dhunë ndaj policisë.
Zyrtaret shtonin se protestuesit e kampit “nuk kishin zbatuar rregullat për mbrojtjen e zonave të gjelbra dhe disa ndërtesave”.
Mbështetësit e kampit kanë bërë thirrje për mbështetje online në vazhdimin e lëvizjes.
Top Channel
