Zbardhet takimi i Rutte me Trump: Diskutuan sfidat e sigurisë globale me të cilat përballet aleanca 23/11 14:13
Një pikturë e rrallë e shekullit të 15-të nga mjeshtri Sandro Botticelli, është sekuestruar nga policia në një shtëpi në jug të Italisë.
Autoritetet italiane thonin se kishin humbur rreth 50 vjet më parë gjurmët e pikturës së epokës së Rilindjes, që besohet se kushton rreth 85,000,000 euro.
Fillimisht e dhuruar nga artisti për Papën Sixtus IV, piktura u vendos në një kishë në qytezën Santa Maria la Carità.
Botticelli besohet se ia dhuroi një ferme të madhe në Gragnano me kërkesë të Papës. Prona zotërohej nga familja e lashtë italiane Medici, shkruan rrjeti Art Newspaper.
Megjithëse besohej e humbur prej vitesh, karabinierët e degës së trashëgimisë kulturore njoftuan gjetjen e saj ne Gragnano, pranë Napolit vitin e shkuar.
Familja Somma që e kishin atë në shtëpi thanë se e mbanin për ta mbrojtur nga trafikantët.
Nello D’Auria, kryebashkiaku i Gragnano që ndërmjetësoi procesin tha se kreu i familjes Michele Somma i kishte rrëfyer sekretin, citon rrjeti vendas Il Messeggero.
Piktura që përfaqëson ‘Madonna e bambino’, ka pësuar dëmtime të vogla në sipërfaqe dhe tashmë kërkon një restaurim të detajuar.
Mes kryeveprave të famshme të Botticelli përfshihen pikturat ‘Lindja e Venusit’ e ‘Primavera’, të cilat shfaqen në galerinë ‘Uffizi’ në Firenze.
Top Channel
