Daku rikthehet në skuadër, ndryshon lista për ndeshjen me Ukrainën/ Ja katër lojtarët që do ta ndjekin takimin nga tribuna 19/11 17:56
Marrëdhëniet e Milanit me kapitenët duket se nuk janë aspak të mira, teksa pas Gigio Donnarummës dhe Alessio Romagnolit, edhe ai aktual Davide Calabria mund të largohet me parametra zero.
Mbrojtësi 27-vjeçar ka kontratë me kuqezinjtë deri në verën e 2025-ës, megjithatë deri tani asnjë prej drejtuesve nuk i ka ofruar rinovimin, ndonëse vetë Calabria nuk e ka fshehur dëshirën për t’u lidhur përjetësisht me Milanin, klub në të cilin ëshët rritur si futbollist.
Për mbrojtësin pritet që vendimi të merret në verë nga ana e trajnerit të ri të kuqezinjve, megjithatë nëse nuk rinovohet kontrata deri në nisje të sezonit të ri, atëherë Calabria pritet të mendojë për të ardhmen larg Milanit.
Calabria mori shiritin e kapitenit nga Alessio Romagnoli, i cili u largua në verën e 2022-shit nga kuqezinjtë, pasi nuk iu ofrua rinovimi dhe zgjodhi të vijojë karrierën te Lazio.
Para Romagnolit shiritin te Milani e mbante portieri italian Donnarumma, i cili refuzoi të rinovojë kontratën dhe në verën e 2021-shit u largua drejt Paris Saint Germain./ Supersport
Top Channel
