VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
58 vjet pas yllit të parë të fituar nga Grande Inter i Helenio Herreras me Angelo Morattin si president, festa e zikaltërve për yllin e dytë shpërtheu natën në rrugët e Milanos pas triumfit në derbi dhe vazhdon ende mes atyre që festojnë.
Nuk mund të mungonte Massimo Moratti, presidenti më i suksesshëm në historinë e Interit me 17 trofe, përfshirë 5 kampionate dhe një Champions League.
Megjithatë, ka nga ata që theksojnë se kampionatet e Interit janë në fakt “vetëm 19” për shkak të atij të vitit 2006.
“Pa gjithçka që dimë, do të ishim tashmë në 25”, përgjigjet Moratti gjatë një interviste me “La Gazzetta dello Sport”. “Ylli i parë erdhi në një kohë të fitoreve të mëdha, ngritja e trofeve ishte një zakon, por ka cikle dhe fitimi i dhjetë kampionateve nuk është i lehtë. Nëse Juventusi nuk do të kishte qenë atje, ne do të kishim mbërritur herët”.
Pas thumbimit që u bën rivalëve të vjetër, ka diçka edhe për kushërinjtë e Milanit:
“Të fitosh yllin e dytë në derbi? Është gjithmonë një ndeshje speciale. Dhe ndeshja e parë na kishte mësuar se, nëse Interi luan si Interi, nuk ka më ndeshje. E mrekullueshme ta arrish yllin e dytë duke mposhtur ata.”
Elozhet për skuadrën e Inzaghit: “Mënyra se si ata qasen në fushë…, ky Inter është unik. Gjithmonë të argëton, nuk ofron futboll të ngadaltë dhe të mërzitshëm si të tjerët. Është një sezon shumë pozitiv. Ylli i dytë në fund të një kampionati të dominuar zbut zhgënjimin e Ligës së Kampionëve, një kompeticion mizor.”
Njeri ikonë i Interit? “Barella. Ndoshta edhe sepse ai është i pari që të vjen në mendje, duke qenë kudo në fushë. Dimarco është personifikim i interizmit, Calhanoglu dhe Mkhitaryan kanë pasur një sezon të mrekullueshëm, Lautaro që është një forcë e natyrës”.
Një yll edhe i Morattit: “Duke qenë një shumë kampionatesh, jam i lumtur që kam kontribuar”. /Supersport
Top Channel
