Ribashkohet grupi “The Beatles”, dy anëtarët e fundit të bandës legjendare të muzikës ngjiten sërish në skenë 20/12 09:53
Një burrë i paemëruar në Belgjikë është urdhëruar ‘të marrë masa” për një gjendje të pazakontë shëndetësore, në të cilët trupi i tij duket se prodhon vetë alkool.
Ai u ndalua nga policia në timon dhe u zbulua me nivel të alkoolit katër herë mbi normën e lejuar por më pas u la i lirë pasi arriti të provojë se nuk kishte pirë.
Megjithëse masa e tij e alkoolit në gjak ishte 2.09 mg, katër herë më shumë se limiti prej 0.5mg në Belgjikë, ai provoi se po thoshte të vërtetën, pasi ‘vuante’ nga sindroma e vetë-fermentimit, kur trupi kthen në alkool ushqimet me niseshte dhe sheqer.
Informacionet thonë se njerëzit me këtë gjendje mund të marrin efektin e alkoolit në tru edhe pa konsumuar fare atë.
Vetëm disa raste të sëmundjes së rrallë janë raportuar nga ekspertët.
Avokatja e tij Anse Ghesquiere tha në gjyqin e të hënës se “një tjetër koinçidencë fatkeqe e klientit të saj ishte se ai punonte në një distileri pijesh”.
Burri i paemëruar ishte ndaluar për alkool në timon fillimit në 2019, por atëherë nuk e kishte kuptuar problemin. Mediat thonin se ai ishte vetëm i tronditur për ngjarjen pasi nuk kishte pirë.
Diagnoza e tij e saktë erdhi kur në një eksperiment në Bruges burrit i iu dhanë ushqime me sheqer për 24 orë, dhe trupi i tij i kishte shndërruar karbohidratet në alkool.
Kështu që masa ndaj shoferit u anulua por gjykatësi tha se ai “duhet të bëjë ndryshime thelbësore të dietës” pasi herën tjetër që gjobitet për këtë arsye nuk do të ketë anulim.
Top Channel
