Tirana feston 80-vjetorin e çlirimit, Spiropali: Shqipëria, sot në anën e duhur të historisë, duke zgjedhur dritën mbi errësirën 17/11 11:37
Subvencionet për bujqësinë janë të pamjaftueshme sipas fermerëve dhe blegtorëve në qarkun e Gjirokastrës, ndërsa sipas tyre pengesë bëhet edhe numri i kritereve të kërkuara për mbështetje.
Në mbyllje të fazës së parë të aplikimeve për subvencionet në bujqësi skema më e kërkuar prej fermerëve është ajo e mbështetjes me karburant.
Ekspertët e bujqësisë konfirmojnë se edhe kërkesat për mbështetjen e krerëve të bagëtive të imëta kanë qenë të konsiderueshme. Më pak kërkesa sipas tyre ka pasur për gjedhët, bletarinë, kulturat e pemëtarisë dhe vreshtave.
“Skema e naftës ka qenë ajo me numrin më të lartë të aplikantëve. Shifra deri tani ka arritur në 1384 aplikantë rreth 50 më shumë se viti i kaluar. Presim që të jenë rreth 100 aplikantë fitues më shumë se viti i kaluar.
Skema e blegtorisë gjedhit, të imëta dhe bletarisë kanë pasur interes ndërsa gjithë të tjerat janë me pikatore.”– u shpreh eksperti i Drejtorisë së Bujqësisë Balil Bineri.
Qarku i Gjirokastrës është qarku më i madh blegtoral në vend me rreth 400 mijë krerë të imëta e 20 mijë gjedhë. Përgjatë viteve të fundit baza ushqimore për blegtorinë që hyn mes nevojave kryesore të fermerëve nuk është mundësuar dot prej skemave mbështetëse ekzistuese. Qarku I Gjirokastrës ka rritur në masë sipërfaqen e frutikulturës ndërsa qindra ha tokë e ka tjetërsuar statusin nga kullotë në pemtore duke tkurrur ndjeshëm kullotat dimërore për bagëtitë e për pasojë edhe numrin e tyre.
Në të gjithë qarkun ka rreth 10 mijë koshere bletësh por kriteret për numrin minimal përjashtojnë shumicën e tyre nga skemat mbështetëse. Në tërësi ekspertët mendojnë se skema e subvencionimit ka nevojë të rishikohet në raport me nevojat e rajonit dhe të përshtatet më mirë për sektorët që po marrin zhvillim aktualisht.
Top Channel
