E rrallë në Vlorë/ Peshkatari kap peshkun 24 kilogramësh, e hedh mbi supe dhe bën ‘xhiro’ në shëtitore 12/11 17:06
Me pjesëmarrje të rreth 1200 personave është zhvilluar në Vlorë “Half maratona Vlorë 2024”.
Ky aktivitet vjen edhe në kuader të titullit” Vlora, qyteti europian i sportit për vitin 2024”. Maratona e ndare ne tre gara, 5 km, 10 km dhe 21 km por edhe “fun run” me pjesëmarrjen e nxenesve te shkollave të qytetit.
Ne garë pati pjesëmarrës edhe nga vende të ndryshme si Kenia, Hungaria apo edhe vende të ndryshme të Europës dhe maratona e zhvilluar në kushte të vështira atmosferike me reshje të rënduara të shiut.
“Vërtet koha nuk e favorizoi por ishte një nga eventet më të bukura në qytetin e Vlorës. Kishte pjesëmarrje edhe të të huajve. Kjo i jep Vlorës një përmasë tjetër”– u shpreh Vilma Bello zv.ministre e Turizmit.
Fituesit do të vlerësohen edhe financiarisht me vlera në 2000, 1000 dhe 500 euro. Gara e 21 km dhe me e rëndesishne në dy vendet e para është fituar nga sportistët nga Kenia, të cilët kanë treguar edhe impresionet e tyre për këtë garë.
Maratona e Vlorës do të jetë tashmë një traditë e përvitshme për qytetin bregdetar.
Top Channel
