Sulmi nga Irani, Rishi Sunak: Avionët e Forcave Ajrore Mbretërore rrëzuan disa dronë iranianë të nisur drejt Izraelit

“RAF dërgoi avionë shtesë në rajon si pjesë e operacioneve tona ekzistuese për të luftuar [ISIS] në Irak dhe Siri. Unë mund të konfirmoj se avionët tanë kanë rrëzuar një numër të dronëve sulmues iranianë,” tha Sunak në një video këtë të diel.

Kryeministri tha se ai kishte kryesuar një takim urgjent të komitetit të menaxhimit të krizave të Mbretërisë së Bashkuar të premten për të rënë dakord për një plan veprimi në rast të një sulmi iranian.

Sunak përgëzoi suksesin e përgjigjes “të koordinuar ndërkombëtar” ndaj sulmit të Iranit, duke thënë se ai kishte arritur të shpëtonte jetë “jo vetëm në Izrael, por në vendet fqinje si Jordania”.

“Është e qartë se Irani është i vendosur të mbjellë pakënaqësi dhe të destabilizojë rajonin, oborrin e tij. Kjo është shumë e qartë nga veprimet e tij. Nëse ky sulm do të kishte qenë i suksesshëm, pasojat për stabilitetin rajonal do të ishin të vështira për t’u mbivlerësuar,” vuri në dukje Sunak.

Kryeministri tha se do të diskutojë nevojën për të deskaluar situatën kur të flasë me udhëheqësit e G7 më vonë të dielën. “Është e rëndësishme që të koordinohemi me aleatët dhe do të diskutojmë hapat e ardhshëm”, shtoi ai.

Top Channel