Lajçak për moszbatimin e marrëveshjes: Palët s’janë të gatshme për normalizim
08/04/2024 19:03
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Në forumin “BE-ja takon Ballkanin”, i dërguari i Bashkimit Evropian për dialogun Kosovë – Serbi, Miroslav Lajçak, u ka bërë thirrje Kosovës dhe Serbisë që t’i zbatojnë marrëveshjet e Brukselit dhe aneksin e Ohrit.
Lajçak theksoi se marrëveshja është arritur dhe nuk mund të zhbëhet.
“Marrëveshja është aty dhe nuk mund të zhbëhet. Po të kishte pasur marrëveshje më të mirë, apo të kishte pasur propozim më të mirë, dikush do të propozonte. Nuk është ashtu. Duhet fokusuar te zbatimi i kësaj marrëveshje”, ka thënë Lajçak.
Për moszbatimin e marrëveshjes, Lajçak tha se arsyeja është “se palët nuk janë të gatshme për normalizim”.
Top Channel
