Dhunoi gruan dhe ngacmoi dy vajzat e tij/ Bie në pranga 39-vjeçari në Kukës, policia i gjen në shtëpi granatë dhe krehra automatikësh
06/04/2024 12:20
Parashikimi i motit/ E premte me diell, temperatura deri 31 gradë C 17/05 07:02
Një tjetër ngacmim seksual brenda familjes ka ndodhur në vendin tonë, por kësaj radhe në Kukës.
Q. D., ra në pranga pasi dyshohet se dhunoi psikologjikisht bashkëshorten e tij dhe ngacmoi seksualisht dy vajzat e tyre të mitura.
Gjatë kontrollit në banesë, atij iu gjetën 14 kapsolla detonatore, 2 fitilë zjarrpërcjellës, 1 garantë ofensive dore dhe 5 krehra automatikësh.
“Në zbatim të masave të planit operacional të koduar “Sundimi i ligjit”, si dhe me mbështetjen te informacionet e siguruara nga inteligjenca policore, specialistët për Hetimin e Krimeve të Komisariatit të Policisë Kukës arrestuan në flagrancë shtetasin Q. D., 39 vjeç, banues në Kukës, pasi dyshohet se ka dhunuar psikologjikisht bashkëshorten e tij dhe se ka ngacmuar seksualisht 2 vajzat e tyre të mitura.
Në vijim të veprimeve procedurale, gjatë kontrolleve në banesën e 39-vjeçarit, u gjetën 14 kapsolla detonatore, 2 fitilë zjarrpërcjellës, 1 garantë ofensive dore dhe 5 krehra automatikësh”, sipas njoftimit të policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
Top Channel
