“Ia kishte futur vetes me thikë”/ Mevlan Shanaj rrëfen sesi tentoi t’i jepte fund jetës aktori Sandër Prosi: Kur i shkova në spital… 25/11 08:19
Banorët që ndjekin mbledhjen përplasen me policinë
Mbledhja e planifikuar e Këshillit Bashkiak të Himarës ku pritet të emërohet një prej nënkryetarëve si kryetar i përkohshëm deri në zgjedhjet e reja, ka nisur me përplasje mes forcave të policisë dhe simpatizantëve të Fredi Belerit.
Këta të fundit, kanë kërkuar që drejtuesi politik i PS-së në qarkun e Vlorës, Blendi Klosi dhe prefekti i qarkut Vangjel Tavo të mos jenë të pranishëm gjatë mbledhjes.
Tavo doli nga mbledhja dhe simpatizantët e Belerit me ofendime, tentuan ta shtynin deri tek dera. Ndërkohë Klosi vijon të jetë i pranishëm në mledhjen ku fillimisht do të diskutohet për rendin e ditës dhe më pas do të caktohet kryetari i përkohshëm mes 2 nënkryetarëve aktualë Blerina Bala dhe Pervin Gjikuria.
Kryetari i përkohshëm pritet të qëndrojë në post deri në zgjedhjet e reja vendore në bashkinë e Himarës pas arrestimit të kryebashkiakut në detyrë Jorgo Goro i cili akuzohet për tjetërsim pronash.
Top Channel
