Burrin që e zuri gjumi në kazanin e mbeturinave, e shtyp për vdekje kamioni i mbledhjes në Holandë (fotot) 08/05 16:13
Rreth 9,000 klientë bankash në Etiopi raportohet se kanë kthyer përsëri shumën që kishin tërhequr gabimisht gjatë një keqfunksionimi të sistemit më 16 mars.
Banka Komerciale e Etiopisë ka marrë tashmë 622.9 milionë birr (më shumë se $10 milionë), që janë rreth 78% e parave të humbura gjatë një gabimi që i lejonte klientëve të tërhiqnin më shumë para nga sa kishin në llogaritë e tyre.
Zëdhënësi Abe Sano se ishin regjistruar 238,293 transaksione “ilegale” në automatët e vendit, kur banka më e madhe e vendit në lindje të Afrikës kishte pësuar një keqfunksionim më 16 mars.
Zyrtarët thonë se ende nuk e dinë çfarë ka shkaktuar gabimin në sistem, por banka qendrore e vendit tha se kishte të bënte me një “trazirë të shërbimit” dhe jo një sulm kibernetik.
Një total prej 801.4 milionë birr (rreth $14 milionë) ishin humbur, sipas bankës qendrore, e cila shtonte se 9,281 klientë kishin kthyer të gjitha paratë shtesë, kurse 5,160 kishin kthyer një pjesë të parave. Banka ka rreth 40 milionë klientë në vend.
Top Channel
