Dyfishohen rastet e fruthit brenda një viti në mbarë botën, incidenca më e lartë në Azerbajxhan, Kirgistan dhe Jemen 28/04 09:46
Mijëra njerëz demonstronin sot në Gerlingen, në Gjermaninë qendrore, para selisë kryesore të prodhuesit industrial Bosch që kërkon të shkurtojë 7,000 vende pune.
Dikur më i fuqishmi i Evropës, sektori gjerman i metaleve dhe veglave të rënda është goditur nga kriza, luftërat e kufizimet mjedisore, ashtu si dhe interesat bankare dhe eksportet.
Protesta kishte edhe në impjantin gjigant të kompanisë në Buehl në shtetin jugperëndimor Baden-Wuerttemberg, ku kompania ka rreth 3,000 punonjës.
Ndërsa rreth 600 njerëz demonstruan para fabrikës së kompanisë në Munich e cila do të mbyllet krejtësisht.
Sindikata e tyre IG Metall, tha se rreth 300 punonjës të Bosch kishin demonstruar në rrugët e Arnstadt, qendra e shtetit Thuringia.
Drejtori i Bosch, Filiz Albrecht shprehu mirëkuptim për shqetësimin e vendeve të punës dhe tha se kompania i njeh përgjegjësitë e saj, por ndryshimet nxitën nga politikat e tranzicionit drejt makinave elektrike dhe objektivave të klimës, të caktuara nga BE.
Kreu i këshillit të punës së Bosch, Frank Sell, shprehu kritikat: “Bosch po e ndan forcën punëtore në humbës dhe fitimtarë të ndryshimeve strukturore.”
Top Channel
