Analiza e DW/ Njohja e Palestinës, shtetet e BE me presion ndaj Izraelit 21/05 08:55
Një grua 31 vjeçare ka humbur jetën kur një ari nisi të ndiqte atë dhe shoqëruesin e saj në parkun malor Tatras në Slovakinë qendrore.
E reja nga Bjellorusia që po shëtiste me një shokun e saj, raportohet se hasën papritur ariun e murrmë. Shoqëruesi i saj raportoi se ata ishin largua me vrap në drejtime të ndryshme në luginën Demänovská, e njohur mes ekskursionistëve për pyjet e dendur dhe kodrat e pjerrëta, shkruan e përditshmja britanike The Independent.
Nuk bëhet e ditur nëse gruaja humbi jetën nga një sulmi ariut apo nga rrëzimi gjatë largimit të saj. Skuadrat gjetën trupin e saj me anë të qenve nuhatës, pasi shoku i viktimës kishte kërkuar ndihmë.
Zyrtarët e shpëtimit malor që gjetën trupin thanë se dhe ariu ishte aty pranë dhe duhej ta trembnin me disa të shtëna arme.
Ata nuk njihnin shkaqet e sakta të vdekjes por thanë se “do të njoftojnë nëse rezulton se është vrarë nga ariu”.
Arinjtë e murrmë janë të zakonshëm në Evropën lindore e verilindore, kryesisht në malet Karpate që shtrihen përmes Ukrainës, Slovakisë, Polonisë e Rumanisë.
Popullata e arinjve në Slovaki thuajse ishte zhdukur nga gjuetia në vitet 1930 por prej atëherë është rikuperuar dhe rezultojnë rreth 1,275 ekzemplarë në vend.
Top Channel
