Në seancën e sotme të Kuvendit të Kantonit të Sarajevës të Bosnje-Hercegovinës, deputeti i SDA, Haris Zahiragiq dhe ai i NiP, Elvis Vreto, janw konfliktuar fizikisht.
Siç shihet në video, Zahiragiq iu afrua kryetarit, Elvedin Okeriq (NiP) dhe e kërcënoi verbalisht. Më pas, Vreto iu afrua në përpjekje për ta qetësuar, por Zahiragiqi me shumë agresivitet e largoi prej tij.
Vreto nuk u kundërpërgjigj agresivitetit, por konfliktit iu bashkuan përfaqësues të tjerë të shumtë në përpjekje për t’i qetësuar palët.
Më pas, Okeriqi shpalli pushim ndërsa Zahiragiq vazhdoi me ofendime të ashpra verbale ndaj Okeriqit.
“Turp të kesh plak”, ka thënë disa herë Zahiragiq.
Përfaqësuesit e tjerë të SDA-së në Kuvend arritën ta qetësojnë Zahiragiqin dhe situata iu kthye normalitetit në Kuvendin e Kantonit të Sarajevës.
Haos u Skupstini KS @n1info pic.twitter.com/5vUds0sPaW
— Sunčica Lukić (@SunshineN1Sa) March 14, 2024
Top Channel
