Kryeministri i Sllovakisë plagoset nga të shtënat me armë, përfundon në spital 15/05 15:21
Një njësi e ushtrisë belge me rreth 30 efektive do të shpërbëhet nga eprorët pas zbulimit të një kulture abuzimi, dhune dhe aktesh degraduese e turpëruese.
Ministrja e mbrojtjes Ludivine Dedonder tha se praktikat e akteve dehumanizuese në disa raste lëndonin fizikisht kolegët dhe ushtarakët e rinj.
“Bazuar në informacionet që kemi, një skuadër e batalionit të 4-rt xhenier do të shpërbëhet për të dërguar sinjalin e fortë se nuk tolerohen sjelljet të tilla në forcat e armatosura”, tha ministrja.
“Dua të shtoj se jo i gjithë personeli i skuadrës ishin të përfshirë në sjelljet e rënda, por numri ishte i konsiderueshëm prandaj duket qartë që ka një problem strukturor”.
Kreu i forcave të armatosura belge Michel Hofman, tha se aktet e sjelljet e zbuluara tregojnë për ‘fshirje’ të normave e vlerave.
“Ky është ndoshta një vendim unik në historinë e ushtrisë belge por duhet të hiqnim një vijë të kuqe për të ruajtur integritetin e organizatës tonë, që do të shërbejë dhe si shembull reflektimi. Sjelle të tilla nuk përputhen me profesionin e ushtarakut”.
Hofman shtonte më tej, pa saktësuar tipin e sjelljeve të papranueshme që ishin zbuluar mes ushtarëve:
“Nuk ka të bëjë me reflektimin në shoqërinë tonë, por ushtarët tanë dislokohen jashtë vendit. Vitet e fundit kemi parë disa video me sjellje të papranueshme të ushtarëve nga kombe të ndryshme dhe nuk duam që kjo të ndodhë me ushtarët tanë jashtë vendit”.
Top Channel
