Lufta është drejt fundit? Burimi për CNN: Marrëveshja e armëpushimit midis Izraelit dhe Hezbollahut është shumë afër 25/11 10:15
Një person ka humbur jetën dhe një tjetër është plagosur rëndë pas shembjes së një miniere ari në Australi.
Dyshja u goditën nga rënia e shkëmbinjve 500 metra nën tokë në vendin në Ballarat, afër Melburnit, gjatë pasdites së djeshme.
29 minatorë të tjerë u strehuan në një vend të sigurt aty pranë, ndërsa për të plagosurin u gjetën disa orë kërkime dhe pune për ta nxjerrë nga aty.
Trupi i 37-vjeçarit të pajetë u gjet në vendin e ngjarjes, rreth 3 km nga hyrja e minierës, mëngjesin e sotëm.
Kolegu i tij i plagosur, 21 vjeç, është në gjendje të stabilizuar, nën kujdesin e mjekëve. Ai pësoi lëndime në pjesën e poshtme të trupit.
Pronari i minierës, Victory Minerals, tha në një deklaratë se ishte i pikëlluar që një prej punonjësve ka ndërruar jetë.
Sindikata Australiane e Punëtorëve tha se minatorët kishin kryer një stil manual të nxjerrjes të njohur si “këmbë këmbësh me ajër”.
Në vitin 2021, një rregullator shtetëror vuri në dijeni operatorin e mëparshëm të minierës, pas një shembjeje tuneli që përfshinte 600 tonë gurë.
Dhe në vitin 2007, miniera u bë kryefjalë kur një rënie guri la 27 punëtorë të bllokuar rreth 700 metra nën tokë. Të gjithë më vonë u shpëtuan në mënyrë të sigurt.
Top Channel
