Asambleja politike e PPE miraton rezolutën: Drejtuesit e opozitës të izoluar në prag të fushatës 22/11 15:03
Ambasadat e Shteteve të Bashkuara të Amerikës e Britanisë së Madhe si dhe Bashkimi Evropian kanë reaguar pas dakordimit të arritur sot mes opozitës dhe mazhorancës, që i rikthen normalitetin Kuvendit.
Ambasada e Shteteve të Bashkuara në Tiranë, shprehet se anëtarët e Kuvendit duhet të ushtrojnë detyrat dhe përgjegjësitë e tyre.
“Ambasada e Shteteve të Bashkuara në Tiranë është e inkurajuar nga njoftimi për rikthimin e rendit normal në Parlament. Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda Parlamentit”, shkruhet në deklaratën e ambasadës.
Edhe Bashkimi Evropian, përmes një reagimi, mirëpret lajmin për rikthimin e normalitetit në Parlament.
“Siç kemi thënë dhe më parë, një parlament që funksionon mirë është thelbësor për të lehtësuar rrugën e Shqipërisë drejt anëtarësimit në BE, i cili është objektivi strategjik i vendit, i mbështetur nga shumica dërrmuese e shqiptarëve“, shkruhet në deklaratë.
Ndërsa ambasada britanike thekson rëndësinë që prioritet i punës së ligjvënësve të jetë interesi i qytetarëve.
“Ambasada Britanike në Tiranë përshëndet progresin e njoftuar sot në lidhje me Parlamentin dhe përpjekjet e të gjithë atyre që u përfshinë për ta bërë këtë të mundur. Presim me padurim rikthimin e rendit normal në Parlament. Është thelbësore që deputetët e të gjitha partive të fokusohen në rolet e tyre kryesore, në shqyrtimin e legjislacionit dhe punës së qeverisë në interes të të gjithë qytetarëve shqiptarë”.
Sot, në parlament u arrit një marrëveshje mes Partisë Socialiste dhe Rithemelimit. Në mbledhjen e kryetarëve, Gazment Bardhi u ul përballë socialistëve, pasi kishte marrë mandatin nga PD dhe Berisha. Në mbledhje, u vendos se së shpejti do ndërtohen dy komisione hetimore.
Top Channel
