“Kërcënimin ua bëra gazetarëve delikuentë”, Berisha reagon për sulmet ndaj mediave: Kur lexojnë dosjen e SPAK, të kërkojnë edhe qëndrimin tim 19/09 20:46
Gazment Bardhi u shpreh se rënia dakord mes opozitës dhe maxhorancës për ngritjen e dy komisioneve hetimore është në parim, ndërsa theksosi se askush nuk duhet të nxitohet.
Uljen në një tryezë të përfaqësuesve të maxhorancës ai e quan reflektim, pas një sjellje arrogante nga ana e tyre.
“Një lajm i mirë, për këtë arrogancë të shfaqur nga ana e maxhorancës, këta kanë reflektuar dhe ne rikthehemi të diskutojmë, sot ka pasur një diskutim dhe vendimmarrje në parim, mos të nxitohemi ta trajtojmë si çështje të mbyllur. Nesër do të mblidhet sërish. Ajo që fitoi apo humbi unë nuk dua të bëj bilanc sot, por në 12 tetor ka pasur një votim të paligjshëm nga ana e maxhorancës, të cilin konferenca e kryetarëve vendosi ta rikthejë mbrapsht”, tha Bardhi.
“Nuk ka asnjë ulje me Edi Ramën, nuk ka pasur kurrë kompleks opozita, nuk ka pasur urdhër nga Edi Rama, apo të deleguar nga Edi Rama. Jemi ulur në ambientet e Kuvendit të Shqipërisë. Kush pyet çfarë ka fituar ka rikthyer 12 tetorin, ka rënë shkaku që opozita hyri në këtë betejë, kushtet do t’i përcaktojmë nesër. Nuk ka pasur diskutim për çështje përmbajtësore por për daljen nga ngërçi. Bylykbashi do të jetë patjetër, anëtarin e dytë do ta përcaktojë grupi parlamentar i PD, unë nuk do të jem”, shtoi ai.
Sot u rrihet dakordësia për Komisionet Hetimore në Konferencën e Kryetarëve.
Mazhoranca vendosi të tërhiqet nga vendimet e datës 12 Tetor 2023 për rrëzimin e komisionit hetimor për kontratat koncesionare në shëndetësi dhe për komisionin hetimor për ndërhyjen e paligjshme në sistemin TIMS. Në Konferencën e Kryetarëve është rënë dakort që Opozita do të ushtrojë të drejtën për ngritjen e Komisioneve Hetimore, duke filluar në këtë sesion parlamentar me ngritjen e dy Komisioneve Hetimore që u rrëzuan më 12 Tetor 2023.
Top Channel
