Sulmet nga Rusia, Zelensky: Po punojmë në zhvillimin e sistemeve të reja të mbrojtjes ajrore 22/11 20:17
Disa palestinezë janë vrarë sot dhe dhjetra janë plagosur kur Izraeli goditi me artileri ndaj palestinezëve që prisnin për ndihma humanitare në veri të Gazës.
Salameh Maarouf, zëdhënës i qeverisë vendase në Gaza tha se forcat izraelite qëlluan ndaj palestinezëve që prisnin për ndihmë në ‘rrethrrotullimin e Kuvajtit’, shkruan agjencia turke Anadolu.
Pak më herët agjencia vendase Wafa tha se nëntë njerëz ishin vrarë kur ushtria hapi zjarr ndaj palestinezëve që prisnin kamionët e ndihmës.
Mahmoud Basal, zëdhënës i njësive vendase të mbrojtjes konfirmonte për agjencinë Anadolu se ushtria kishte goditur njerëzit që prisnin kamionët e ndihmave në rrethrrotullimin Kuvajt.
Konflikti tragjik në Rripin e gazës ka nisur prej 7 tetorit kur militantë palestinezë sulmuan brenda territorit izraelit duke vrarë qindra njerëz.
Kundërpërgjigja e ushtrisë izraelite ka rrafshuar zona të tëra rezidenciale në Gaza me bombardime ajrore, duke vrarë më shumë se 30 000 njerëz, e duke lënë pjesën e mbetur gjallë në krizë urie e shëndetësie.
Izraeli mban gjithashtu Gazën të rrethuar e izoluar duke lejuar vetëm sasi minimale ndihmash të kalojnë.
85% e popullatës së Gazës është zhvendosur nga shtëpitë e tyre për t’i shpëtuar bombardimeve teksa 60% e infrastrukturës civile të territorit është shkatërruar ose dëmtuar, sipas shifrave të OKB.
Izraeli është paditur për gjenocid në Gjykatën Ndërkombëtare të Drejtësisë, por një vendin i mëhershëm i gjykatës vetëm urdhëroi Tel Aviv-in të ndalonte aktet e gjenocidit dhe të garantonte asistencën humanitare për civilët në Gaza./Anadolu//
Top Channel
