Në Barcelonë protestohet kundër rritjes së çmimeve të qirasë 24/11 11:49
Tërmeti me magnitudë 4.9 Rihter që goditi Turqinë një ditë më parë, ka shkaktuar shqetësim të madh, pasi sizmologët druajnë se është një pararojë e një tërmeti edhe më të madh që mund të ndodhë në Stamboll.
“Rajoni ynë është i shqetësuar. Pritet një tërmet që do të jetë më i madh se 7 Rihter, në jug të Marmarasë ose në Anadoll, do të jetë një tërmet që do të prekë të gjithë rajonin e Stambollit, Bursës, Dardaneleve etj”, thotë sizmologu Suleiman Pambal.
Një tjetër sizmolog, Husein Ozturk, tha: Tani e tutje çdo tërmet është një pararojë e tërmetit të madh që presim në Stamboll. Këta tërmete të vogla thyejnë ngadalë defektet dhe çojnë në tërmete të mëdha. Si të jetë një përgatitje. Ajo hap përçarjen e madhe që do të shkaktohet. Këto tërmete janë shenjat e tërmetit të madh.
Në shumë zona të Stambollit janë vendosur tabela paralajmëruese për cunami, të cilat kanë filluar të vendosen në periudhën 2019 – 2020. Në dy vitet e fundit janë vendosur në shumë vende në plazh, për të informuar njerëzit, në rast të një tërmeti të madh dhe rreziku për cunami, se ku duhet të shkojnë.
Top Channel
