Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një anije mallrash e regjistruar në Britani është fundosur në Detin e Kuq pasi ekuipazhi u detyrua të braktiste anijen për shkak të një sulmi nga rebelët jemenas Houti.
Anija e mallrave “Rubymar”, e cila u braktis në jug të Detit të Kuq pasi u vu në shënjestër nga Huthi të Jemenit më 18 shkurt, është fundosur, tha të shtunën një deklaratë nga qeveria jemenase e njohur ndërkombëtarisht.
Sulmi ndodhi në ngushticën Bab al-Mandab, 35 milje detare në jug të Al Mukha, Jemen, të dielën mbrëma, tha Operacionet e Tregtisë Detare të Mbretërisë së Bashkuar (UKMTO), kundër një anijeje që më vonë u identifikua si “Rubymar”.
Ekuipazhi i anijes së ngarkesave të regjistruar në Britani, me gjatësi 171.6 metra dhe gjerësi 27 metra, u detyrua të braktiste mjetin lundrues pas sulmit, për të siguruar jetën. Sipas UKMTO, i gjithë ekuipazhi është i sigurt dhe ‘autoritetet po hetojnë’ rastin.
Anija është e para që u shkatërrua plotësisht si pjesë e fushatës së tyre mbi luftën e Izraelit kundër Hamasit në Rripin e Gazës. “Rubymar” po lëvizte drejt veriut pasi u sulmua.
Qeveria e njohur ndërkombëtarisht e Jemenit, si dhe një zyrtar ushtarak rajonal në kushte anonimiteti, konfirmuan se anija u fundos. Menaxheri i “Rubymar” me bazë në Bejrut nuk mund të kontaktohej menjëherë për koment. Qeveria e Jemenit në mërgim, e cila është mbështetur nga një koalicion i udhëhequr nga Arabia Saudite që nga viti 2015, tha se “Rubymar” në orët e vona të së premtes, ndërsa moti i stuhishëm pushtoi Detin e Kuq. Anija ishte braktisur për 12 ditë pas sulmit, ndonëse planet ishin për të provuar dhe tërhequr anijen në një port të sigurt.
Houthitë e mbështetur nga Irani, të cilët kishin pretenduar se anija u mbyt pothuajse menjëherë pas sulmit, nuk e pranuan menjëherë fundosjen e anijes. Tashmë, shumë anije janë larguar nga rruga. Mbytja mund të shohë devijime të mëtejshme dhe tarifa më të larta sigurie të vendosura për anijet që lëvizin në rrugë ujore – potencialisht duke rritur inflacionin global dhe duke ndikuar në dërgesat e ndihmave në rajon.
Më herët forcat amerikane goditën dhe shkatërruan një raketë tokë-ajër Huthi në Jemen të premten pasi vendosën se ajo përbënte një “kërcënim të menjëhershëm” për avionët amerikanë, njoftoi Komanda Qendrore e SHBA në Lindjen e Mesme. Huthi të mbështetur nga Irani, të cilët kontrollojnë pjesën më të madhe të Jemenit të shkatërruar nga lufta, kanë sulmuar anijet në Detin e Kuq që nga nëntori në një fushatë që ata thonë se është në solidaritet me palestinezët në Gaza në mes të luftës Izrael-Hamas.
Shtetet e Bashkuara po drejtojnë një koalicion detar për të mbrojtur anijet në rrugën jetike ujore, dhe gjithashtu kanë kryer sulme ajrore në territorin Huthi, si vetë ashtu edhe përkrah Britanisë. Të premten pasdite, forcat amerikane kryen një sulm vetëmbrojtës kundër një rakete tokë-ajër Houthi të mbështetur nga Irani, e cila ishte e përgatitur për të lëshuar, tha CENTCOM. Sipas tyre, Huthis të premten mbrëma lëshuan një raketë anti-anije në Detin e Kuq, por “Nuk pati asnjë ndikim apo dëmtim në asnjë anije”.
Fundjavën e kaluar, forcat amerikane dhe britanike kryen sulme kundër 18 objektivave Huthi në tetë vendndodhje në Jemen, duke përfshirë objektet e ruajtjes së armëve, dronët e sulmit, sistemet e mbrojtjes ajrore, radarët dhe një helikopter, sipas një deklarate të përbashkët.
Një person u vra dhe tetë u plagosën në sulmet, tha agjencia zyrtare e lajmeve e Huthis të dielën. Që nga nëntori, rebelët kanë shënjestruar vazhdimisht anijet në Detin e Kuq dhe ujërat përreth për shkak të luftës Izrael-Hamas. Ata kanë arritur të shtjenë në “kthetra” të paktën një me ngarkesë të destinuar për në Iran, përfituesin kryesor të Houthi-ve, dhe një anije ndihme më vonë për në territorin e kontrolluar nga Houthi.
Top Channel
