Një 25-vjeçar nga Kosova është vënë nën hetim pasi ka tentuar të korruptojë një polic rrugor për t’i shpëtuar gjobës.
Ai bëri një parakalim të gabuar në aksin rrugor “Milot-Lezhë”. Krahas procedimit penal, 25-vjeçari A. K u ndëshkua me masë administrative 5000 lekë, për shkeljen rrugore të kryer.
Gjithashtu brenda një jave, policia rrugore e Lezhës ka arrestuar katër persona dhe na vënë nën hetim dy të tjerë për shkelje të rregullave të qarkullimit.
Rreth 797 shoferë janë ndëshkuar me masa administrative, konkretisht:
-405 drejtues mjetesh, për tejkalim shpejtësie;
-111 drejtues mjetesh, për parakalime të gabuara;
-15 drejtues mjetesh, për përdorim të xhamave të erresuar;
-41 drejtues mjetesh, për përdorim të celularit, gjatë drejtimit të mjetit;
-10 drejtues motomjetesh, për mosvendosje të kaskës mbrojtëse;
-30 drejtues automjetesh, për mosvendosjen e rripit të sigurimit;
-185 drejtues mjetesh, për shkelje të tjera.
Top Channel
