“Jam në shok”, Livia akuzon Mevlanin për tradhëti: Flisnim në kamer gjithë kohën, më kërkoi të futeshim çift… 16/11 23:19
Teksa komuniteti mban zi për vdekjen e papritur të aktores pornografike Kagney Linn Karter, mediat britanike shikonin dhe raste të ngjashme kur aktoret e industrisë së filmave për të rritur janë ndarë para kohe nga jeta, prej shkaqeve të vrazhda si abuzimet me drogat, dhuna fizike e psikologjike, problemet mendore apo të shtënat e armëve.
Kagney Linn Karter vdiq javës që shkoi në shtëpinë e saj në Parma Ohio, në moshë 36 vjecare, nga një e shtënë arme. Ajo punonte në industrinë erotike prej viteve dhe fatkeqësisht vrau veten, sipas rezultateve të hetimeve.
Për fat të keq rasti i Karter nuk është i pazakontë në industrinë e zbavitjes erotike që duket se ka shumë errësirë brenda fasadës së kënaqësisë dhe epshit.
Ndërsa 36-vjeçarja Sophie Anderson ndërroi jetë disa javë pasi partneri saj Oliver Spedding, gjithashtu aktor filmash pornografikë ndërroi jetë në një vdekje të lidhur me drogat.
Pas vdekjes, miqtë e Sophie thonin se ajo abuzohej fizikisht e mendërisht nga i dashuri ish-futbollist. Shkaqet e vdekjes mbeten të pakonfirmuara.
Thaina Fields ishte një aktore pornografike që kishte bërë pretendime për abuzime seksuale në industrinë e filmave për të rritur, dhe më vonë u gjet e vdekur në shtëpi.
Emri i vërtetë i Thaina Fields ishte Abigail, dhe ajo u gjet e vdekur në shtëpinë e saj në Trujillo, Peru, në janar.
Disa muaj para se të vdiste ajo kishte denoncuar publikisht abuzimet e rënda seksuale nga krerët e industrisë së filmave për të rritur në fillim të karrierës.
Thaina kishte folur për problemet me shëndetin mendor dhe për mjekimet që merrte për të përballur gjendjen, që rrjedhimisht rezultoi në disfatë.
Aktorja pornografike Angelina Please, 24 vjeçe, gjithashtu u gjet e vdekur në shtëpinë e saj në Las Vegas në mars 2022. Policia tha se nuk kishte faktorë të jashtëm në vdekjen e saj por fqinjët thonin se ajo kishte folur për gjendjen e rëndë psikologjike.
Aktorja pornografike Dahlia Sky u gjet tragjikisht e vdekur në makinën e saj në San Fernando Valley, Los Angeles në korrik 2021 pas një beteje me kancerin, shkruan rrjeti britanik DailyStar.
Dahlia, 31 vjeçe vuante gjithashtu nga depresioni teksa luftonte kancerin ndërsa shkaku i vdekjes ishte vetëvrasja me armë zjarri.
Producenti i disa filmave të saj Hans, tregonte se ajo vuante nga shëndeti mendor:
“Vitin e kaluar kam folur shpesh me të, nuk e kishte të lehtë. Kjo do të duhet kohë të kalojë. Dahlia Sky, ishte një shpirt i mrekullueshëm, i ngrohtë i komplikuar”.
Gjithashtu aktori i vjetër amerikan i filmave për të rritur Joey Ray vdiq nga një e shtënë me armë e vetë-shkaktuar në janar 2022, në moshën 51 vjeçare.
Joey (majtas)
Megjithë ngrohtësinë e humorin e hollë që miqtë e tij e përshkruanin, kostoja mendore e këtij “profesioni” bëri t’i jepte fund jetës në mënyrë jo shumë dinjitoze.
Aktorja pornografike Alicia Rio vdiq më 17 janar 2022 në moshën 55 vjeçare, sipas raportimeve nga “komplikacionet e Covid” pasi u gjet pa ndjenja në shtëpi.
Alicia e lindur në Meksikë, luante filma të kësaj industrie prej viteve 1990 dhe njihej për role në filma si ‘Boderline’, ‘Reflections of Rio’, e ‘Fantasies of Alicia’.
Ndërsa aktorja pornografike Olivia Nova pati një vdekje të vetmuar në janar 2018 kur një infeksion i rrugëve urinare/seksuale, iu përhap në veshka dhe e la të paralizuar.
20-vjeçarja kishte mbetur e vdekur per 24 ore në shtëpinë e saj megjithëse kishte marrë mjekime për trajtimin e infeksioneve. Doktorët raportohet se e kishin paralajmëruar që duhet të linte alkoolin ose i kishte ditët e numëruara.
Aktorja Dakota Skye gjithashtu vdiq papritur në Los Angeles nga një përzierje drogash në qershor 2021, pasi kishte qenë disa herë në trajtime rehabilitimi prej varësisë nga fentanili.
Tezja e Skye, 55-vjeçarja Linda Arden, tha se mbesa e saj bullizohej dhe se ishte produkt i një familjeje keqfunksionale me droga, alkool, abuzime fizike, emcionale e seksuale.
“Ajo përndiqej nga demonë sa askush nuk e kupton derisa e jeton vetë”, tha tezja e të ndjerës. /DailyStar//
Top Channel
