“Demokratët të mos kenë më pikëpyetje kush është kryetari”/ Mesazhi i Sulës për Bashën e Berishën: Kush mban konfliktin ndezur, lufton për interesa personale 14/06 21:49
Deputetja e PD-së, Dhurata Çupi ka reaguar ashpër sa i përket lajmeve që qarkullojnë për ndërtime në Parkun e Divjakës.
Përmes një mesazhi në rrjetet sociale, Çupi u shpreh se është për të ardhur keq që kolegët e PS noterizuan me kokë ulur këtë masakër natyrore dhe një akt të hapur korruptiv.
Sipas Çupit, shoqëria civile, qytetarët, opozita, Presidenti, Gjykata Kushtetuese, duhet të bëjë gjithçka për ta ndaluar këtë akt skandaloz, që shkon kundër interesit publik.
“Pêrse të mos ketë një oligark a një trafikant droge një vilë luksoze, ku të zgjohet duke parë flamingot në Parkun Kombëtar të Divjakë-Karavastasë? Edhe ata shpirt kanë! Ndonjëherë mund të qëllojnë edhe romantikë.
Po përse një oligark apo trafikant droge të mos ndërtojë në Parkun e Butrintit, ku të ketë mundësi të sodisë nga veranda luksoze me 5 yje amfiteatrin antik? Pasurimi i këtyre viteve mund t’u ketë rafinuar edhe shijet.
Edhe në Alpe mund të ndërtohet me para që nuk dihet nga vijnë. Duhet të ketë mes oligarkëve dhe njerëzve të krimit të organizuar nga ata me shije epike për natyrë të egër dhe të ashpër.
Ndoshta, dikush nga këta investitorët strategjikë mind të qëllojë edhe romantik dhe nuk jeton dot pa bukurinë mahnitëse dhe zambakët e ujit të liqeneve të Lurës!
E kështu me radhë! Në Lumin Vjosë, në Sazan Karaburun, në Prespë, në të gjithë Shqipërinë, në çdo zonë të mbrojtur, në çdo mrekulli natyrore që Zoti na e ka falur me shumicë, mund të ndërtohet me beton. Ky është ligji që miratoi sot Edi Rama.
Dhe më e bukura është se ligji, gjoja u nxit nga kërkesa e bashkive për të patur ata në posedim një pjesë të zonave të mbrojtura, për t’i shfrytëzuar dhe për të nxjerrë të ardhura. As këtë s’ua dha si përfundim Edi Rama. Gjithçka do ta vendosë ai. Kush do të ndërtojë në zonat me bukuri të rrallë natyrore dhe si do të ndërtojë.
Është për të ardhur keq që kolegët e PS noterizuan me kokë ulur këtë masaker natyrore dhe një akt të hapur korruptiv! Shoqëria civile, qytetarët, ne si opozitë, Presidenti, Gjykata Kushtetuese, kur të vihet dhe do të vihet në lëvizje, duhet të bëjmë gjithçka për ta ndaluar këtë akt skandaloz, që shkon kundër interesit publik!”- shkruan Çupi.
Top Channel
