Delegacioni i BE në Tiranë ka reaguar përmes një postimi pas miratimit në Kuvend të ligjit për ndërtimet në zonat e mbrojtura.
“Rruga e Shqipërisë drejt anëtarësimit në Bashkimin Evropian është e qartë. Ajo kërkon përpjekje të vazhdueshme nga qeveria dhe parlamenti për të siguruar që legjislacioni shqiptar të përafrohet me standardet evropiane.
Në kuadrin e negociatave të anëtarësimit, miratimi i ligjeve mbi çështje që mbulohen nga legjislacioni i BE-së presupozon konsultim publik të mirëfilltë dhe gjithëpërfshirës, si dhe një proces të parashikueshëm dhe transparent.
Delegacioni i BE-së do të ndjekë me shumë vëmendje zbatimin e dispozitave të reja ligjore për zonat e mbrojtura, sipas kuadrit ligjor të BE-së për mbrojtjen e mjedisit dhe angazhimet ndërkombëtare të Shqipërisë”, sipas postimit.
Kujotjmë se pr.ligji për ndërtimin në zonat e mbrojtura u miratua me 74 vota pro, ndërsa jashtë Kuvendit një grup qytetarësh protestonin kundër tij.
Top Channel
