Mure të shkatërruara, xhama të thyer dhe copëza të shpërndara kudo, çfarë mbeti pas shpërthimit në Lezhë 06/04 09:10
Gazetarja Gerta Zaimi foli në “Top Story” për situatën në Kosovë, pas tensioneve me Serbinë, duke u ndalur tek disa prej hapave që kryeministri Albin Kurti ka marrë.
Ajo tha se veprimet e Kurtit janë cinike dhe se kjo gjë do ta dëmtojë Kosovën, ndonëse kanë nisur ngrirja e disa fondeve të BE-së.
“Në rastin e Kosovës kufizimi i sovraniteti, që ai thotë shkojmë në veri…, ishte përkohësisht heqje dore, duke u dakordësuar për të gjitha hapat e dialogut. Këto hapa të Kurtit, megjithëse ka plotësuar kushtet me vonesë, mund t’i kishte bërë në mënyrë më të thjeshtë që t’ia kishte lënë fajin Vuçiç-it. Është një lojë që Kurti dhe Vuçiçi mbajnë.
Në këndvështrimin tim, Kurti ka një këndvështrim cinik që e përdor në shërbim të tij, dhe në bazë të duartrokitjeve të militanteve dhe simpatizantëve. Ku e kanë dëmtuar Kosovën veprimet e Kurtit? Një situatë e tillë prek investimet e huaja, bie vlera e ekonomisë, nuk ka më siguri tek shteti i ligjit dhe mbi të gjitha humb besimin e partnerëve.
BE-ja ka hequr fondet për Kosovën. Ai 6 miliardësh që BE premtoi, Kosova do të përjashtohet. Kosova është shumë e dobët ekonomikisht dhe mbështetja e BE-së është e madhe. Pëson dëme nëse nuk ka ndihmë. Pa ndihmën e BE-së është pamundur të mbijetojë ekonomikisht”, tha Zaimi.
Top Channel
