Diplomati i lartë iranian konfirmon bisedimet me SHBA-në: Ne kemi negociuar gjithmonë 03/06 22:50
Udhëheqësi i opozitës ruse Alexei Navalny u shua në moshën 47-vjeçare në burg, duke i dhënë fund një lufte shumëvjeçare kundër korrupsionit dhe Kremlinit.
Sipas medieve të huaja, shërbimi i burgut në lagjen Yamalo-Nenets, ku Navalny vuante dënimin njoftoi se ai ‘ndihej keq’ dhe ‘humbi vetëdijen’ pas një shëtitje të premten. Një një ekip mjekësor urgjent ishte thirrur menjëherë dhe u përpoq ta ringjallte atë, por pa sukses.
“Më 16 shkurt 2024, në koloninë penale nr. 3, i dënuari AA Navalny nuk u ndje mirë pas një shëtitje, pothuajse menjëherë humbi vetëdijen.
Menjëherë në vendngjarje kanë mbërritur punëtorët mjekësorë të objektit dhe është thirrur ekipi mjekësor i urgjencës. Janë kryer të gjitha masat e nevojshme reanimuese, por nuk kanë dhënë rezultate pozitive dhe mjekët e urgjencës konfirmuan vdekjen e të dënuarit. Por po përcaktohen shkaqet e vdekjes,” raportoi agjencia e lajmeve Interfax.
Avokati i Navalny, Leonid Solovyov, tha për mediat ruse se nuk do të komentonte ende rastin.
Vdekja e Navalnyt e lë opozitën ruse, të bllokuar nga vitet e ngacmimeve dhe ndjekjeve penale, pa një figurë të qartë. Të gjithë kritikët e profilit të lartë të Putinit tani janë ose të vdekur, të burgosur ose në mërgim.
Top Channel
