Protesta e 26 nëntorit, PD zbulon akset që do të bllokojë në Tiranë dhe deputetët që do të jenë në “front” 24/11 18:41
Kreu i grupit parlamentar të PD, Gazment Bardhi komentoi refuzimin e ftesës nga ana e Lulzim Bashës për pjesëmarrje në takimin mes partive politike të opozitës për krijimin e të Federatës të Opozitës së Bashkuar
“Në dy vite opozita e përçarë ka qenë dhuratë shumë e mirë për qeverinë e edi ramës, cilido që është i përgjegjshëm në atë që presin qytetarët sot kam marrë një mesazh të mirë, që jemi bërë të gjithë bashkë për të kundërshtuar deri në rrëzim qeverinë e Edi Ramës dhe bërë një alternativë e besueshme. Ka qenë e hapur diskutimi për çdo parti, cilido është i lirë nëse dëshiron t’i bashkohet Federatës opozitare, ka qenë iniciativë e partive aleate që është mbështetur nga PD dhe kane qenë aleatët Duka. Partitë që janë deklaruar janë të vendosura të jenë në opozitë. Cilido që është në opozitë dhe ndjehet në opozitë e vetmja rrugë për t’u forcuar është të gjithë bashkë, të bashkuar rreth ideve, nuk shikoj asnjë rrugë tjetër.Duhet të bëhemi të gjithë bashkë për të qenë më të fortë”, tha Bardhi.
Sot u mbajt takimi i partive politike të opozitës për krijimin e Federatës të Opozitës së Bashkuar, pas bashkimit të Rithemelimit dhe grupit të Gazment Bardhit.
Burime i thanë gazetares së Top Channel, Elda Menga, se ata i kanë dërguar ftesë edhe kreut të PD, Lulzim Basha dhe Shpëtim Idrizit, por ata nuk e kanë pranuar.
Mes firmëtarëve të marrëveshjes janë edhe Agron Duka, Fatmir Mediu, Vangjel Dule, Nard Ndoka, Artur Roshi, Adriatik Alimadhi, Halit Valteri.
Top Channel
