Rritja galopante e bursave amerikane qysh nga humbja e Trumpit dhe përkrahësit e tij sot 20/09 11:28
Kryeministri Edi Rama ka reaguar për vdekjen e liderit të opozitës Ruse, Alexei Navalny, në një burg rus të premten, duke thënë se mbështet presidentin amerikan Biden, i cili e konsideron presidentin rus Vladimir Putin përgjegjës.
Rama përmendi edhe Konferencën e Sigurisë së Mynihut, si një moment të përshtatshëm për të theksuar rëndësinë e përpjekjeve kolektive, veçanërisht midis aleatëve të NATO-s.
“Unë qëndroj me Presidentin Biden dhe liderë të tjerë aleatë për të nderuar sakrificën përfundimtare të Alexei Navalny. Kjo tragjedi nënvizon rëndësinë e unitetit dhe vendosmërisë aleate. Konferenca e Sigurisë së Mynihut është një moment i përshtatshëm për të theksuar rëndësinë e përpjekjeve kolektive, veçanërisht midis aleatëve të NATO-s. Ne të gjithë duhet të ndajmë përgjegjësinë e mbajtjes së parimeve të NATO-s dhe ndërkohë që përballemi me sfida komplekse, ne nuk duhet të hezitojmë të shkojmë më shumë. Angazhimi 2% është kërkesa minimale, jo maksimumi. Shqipëria mbetet e përkushtuar për të bashkëpunuar me partnerët tanë për të forcuar aftësitë tona mbrojtëse, duke përfshirë rigjallërimin e industrisë sonë ushtarake”, shkruan Rama.
Më herët presidenti Joe Biden tha: “Mos bëni gabim! Putin është përgjegjës për vdekjen e Navalny. Putini nuk synon vetëm qytetarët e vendeve të tjera, siç e kemi parë në atë që po ndodh në Ukrainë tani, ai gjithashtu shkakton krime të tmerrshme ndaj popullit të tij.”
Top Channel
Rritja galopante e bursave amerikane qysh nga humbja e Trumpit dhe përkrahësit e tij sot 
