Rrjepaj dëshmon në Komisionin Hetimor për Sterilizimin, e nis me një kritikë: Objekti i komisionit duhet të përputhet me objektin e hetimit
20/09 10:24
Kryeministri Edi Rama gjatë konferencës së përbashkët me Sekretarin Amerikan të shtetit, referuar situatës që ndodhet Kosova sot, ai u shpreh se pa SHBA-në nuk do të ishte shtet i pavarur.
Ai shprehu keqardhje për çdo hap që Kosova bën pas, për shkak të mosdakordësisë rreth kushteve të dialogut me Serbinë.
Rama i bëri thirrje autoriteteve të Prishtinës të mos marrin asnjë hap të pakonsultuar me aleatët strategjikë.
“Siç dihet Shqipëria ka një shtrije të dorës së miqësisë në të gjitha vendet e rajonit. Ne do të investojmë që rajoni të shkojë përpara së është në interesin e popullit tonë që ta shikojmë bashkimin me Europën një bashkim që mishëron vlerat e komunitetit të shteteve të vendeve demokratike dhe sigurisht e kemi nxitur dhe vazhdojmë ta bëjmë dialogun e pazëvendësueshëm me Kosovës dhe Serbisë. SHBA-ja ka qenë dhe vazhdon të jetë mbështetëse e Kosovës dhe përmbushje të…
Është mirë që asnjëherë shqiptarët, duke nisur nga shqiptarët e Kosovës që pa SHBA-në nuk do kishte një shtet të pavarur të Kosovës. Nëse interesi i SHBA-së në këtë rajon, për mbarëvajtjen e punëve në Shqipëri dhe Kosovë nuk është një interes i dorës së dytë, as i ndarë në çfarë do aspekti interesi ynë Shqipëri dhe Kosovë për të ndërtuar një të ardhme në paqe dhe prosperitet për gjenerata të tjera. Padiskutim ne ndjehemi të keq ardhur sa herë shohim hapa mbara dhe jemi të vetëdijshëm për vështirësinë këtij dialogu, ne jemi të vetëdijshëm për plagët e një tragjedia jo shumë të lagët për ata që jetojnë në Kosovë.
Në radhë të parë shqiptarët e Kosovës e pastaj të gjithë ne duhet të jemi të vetëdijshëm që të përparojë unilateralisht nëse duhet, në realizimin e të gjitha atyre kërkesave që janë në tavolinë e dialogut. Nuk janë shtrënguese dhe as që Kosova të lëshojë një milmetër nga dinjiteti dhe sovraniteti i vet. Bëjnë të mundur krijimin e një konteksti që ngre lart Republikën e Kosovës që krijojnë besimin e partnerëve strategjikë, pa të cilët e ardhmja bëhet shumë e largët e tashmja më të ndërlikuar.
Dua të përsëris thirrjen për autoritetin e Prishtinës që të mos bëjnë asnjë hap të pa u konsultuar me aleatët tanë strategjikë sepse është në radhë të parë në interesin e tyre dhe pastaj të aleancës sonë. Nga veprimet e pakonsultuara mbase mund të fitohen disa vota sot për sot duke e kthyer politikën e jashtme në një instrument të politikës së brendshme, por nuk fitohet e ardhmja”, deklaroi Rama.
Top Channel
