Protesta e 26 nëntorit, PD zbulon akset që do të bllokojë në Tiranë dhe deputetët që do të jenë në “front” 24/11 18:41
Dy legjendat angleze Geri Nevill dhe Roi Kin, kanë sulmuar skuadrat italiane se në një periudhë kur ata luanin bashkë, përdornin substanca të palejuara.
Sigurisht, ata nuk e thonë kurrë fjalën doping, por akuzat janë të qarta dhe mjaft të rënda. Gjithashtu sepse vijnë nga dy ish-kampionë të mëdhenj si Gary Neville dhe Roy Keane, shtyllat e Manchester United të Alex Ferguson, kampion evropian në vitin 1999.
Dhe është pikërisht Champions League për të cilën po flasim dhe krahasimi me skuadrat italiane në dekada 1990-2000.
“I came off the pitch and thought, that’s not right!” 😬
“They looked like they hadn’t even played a match!” 🤔 pic.twitter.com/R305YckV4C
— The Overlap (@WeAreTheOverlap) February 8, 2024
Neville, gjatë podcast-it ‘The Overlap’ ngre dyshimin: “Unë mendoj se ka pasur disa skuadra kundër të cilave kemi luajtur, që nuk ishin të pastra. Një herë dola nga fusha kundër një skuadre italiane dhe thashë me vete: “Më falni, por diçka nuk shkon”. Dhe unë e di se disa djem të tjerë ndiheshin njësoj si unë. Nuk mund të përmend emra apo të akuzoj njerëz, por kur shikon prapa dhe shikon se çfarë doli me mjekët e sporteve të tjera…”. Megjithatë, ai shton se për të shkuar më tej duhen prova dhe aludimet nuk mjaftojnë.
Edhe Kean, kapiteni i skuadrës së United, shpjegon: “Kam lodhur veten kundër disa skuadrave, kam dalë i shkatërruar. Pastaj pashë kundërshtarët… disa klube italiane… dhe dukej sikur nuk e kishin luajtur as ndeshjen.”
Ishin pesë skuadra italiane me të cilat Djajtë e Kuq u përballën në ato vite në Evropë: Fiorentina, Interi, Juventusi, Lazio dhe Milani.
Top Channel
