“Realizmi socialist”/ Disa vepra të ndërthurura me teknologjinë u përzgjodhën për një eksperiencë ndryshe
24/11 13:04
Me shpalljen e 2024, vit të gjuhës shqipe, Ministria e Arsimit është angazhuar në ndërmarrjen e aktiviteteve të reja.
Urdhri më i fundit nga ky institucion udhëzon për herë të parë organizimin e një konkursi kombëtar të gjuhës shqipe me nxënësit e klasave të 9-ta në arsimin parauniversitar.
Është ngritur grupi qendror i punës me 8 anëtarë, të cilët janë punonjës të Drejtorive në varësi të Ministrisë së arsimit; që do duhet të bashkëpunojnë me njëri tjetrin si dhe me stafet drejtuese të shkollave në përgatitjen e nxënësve si dhe në hartimin e pyetjeve dhe përgjigjeve të konkursit. Konkursi do të realizohet në disa faza, së pari në nivel shkolle, më pas mes shkollave për tu përmbyllur në një përballje mes më të mirëve, ku do të zgjidhen edhe fituesit.
“Konkursi le të jetë një arenë ku ata përballen me njëri-tjetrin, sfidojnë; krijojnë, shkruajnë. Veprimtari të tilla konkurruese, stimuluese, janë të mira sepse na bëjnë të shohim gjendjen të formimit të fëmijëve. Nga ana tjetër të nxjerrim detyra për të plotësuar ato mangësi ku shkolla duhet të përmirësojë tekstet, mësimdhënien, metodat e përvetësimit të gjuhës shqipe”, tha Zhyljeta Grabocka, mësuese në pension.
Mësuesit shohin se ka përpjekje për të ruajtur gjuhën shqipe, por mendojnë se veç anës artistike, ndryshime duhet të ndodhin edhe në tekstet mësimore apo trajnimin e arsimtarëve.
“Problemet që sot janë urgjente në ruajtjen e pastërtisë së gjuhës shqipe, në kohën kur lëvizjet brenda dhe jashtë vendit i kanë bërë fëmijët të jenë në kontakt me gjuhët e tjera. Pra gjuha shqipe përballet me gjuhë të tjera. Por shkolla është ajo që i mëson, I edukon në formimin e gjuhës amtare. Familja dhe shkolla mbeten dy hallka kryesore që gjuha ruhet” , tha ajo.
Sugjerimet vijojnë më tej për ta shtrirë konkursin në mosha të ndryshme, jo vetëm për nxënësit e klasave të nënta.
Top Channel
