Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Hamasi ka konfirmuar vdekjen e tre luftëtarëve nga një sulm izraelit në Jenin.
Viktimat, njëri anëtar i Hamasit dhe dy të tjerët pjesë e grupeve të rreshtuara, u vranë gjatë një plani të detajuar të komandove të IDF-së, të cilët të veshur si palestinezë kanë ndërhyrë në spitalin Ibn Sina në Jenin.
Përmes një deklarate, Hamasi konfirmoi se një nga viktimat ishte Mohammed Jalamneh, objektivi i bastisjes së Izraelit, dhe dy të tjerët Muhammad Ayman al Ghazawi (një nga themeluesit e brigadës Jenin të Xhihadit Islamik Palestinez) dhe Basil Ayman al Ghazawi.
Hamasi pretendoi se një nga luftëtarët u vra “në shtratin e tij të sëmurë” pasi akuzoi Izraelin për krime lufte.
“Le të pohojmë se ky krim nuk do të mbetet pa përgjigje dhe se rezistenca që i premtoi popullit tonë në xhihad derisa pushtimi të mposhtet dhe të rikthehen të drejtat e plota, ne nuk do të frikësohemi nga atentatet apo do të dobësohemi nga krimet e armiqve frikacakë”, përfundon deklarata.
Top Channel
