Rumania mban zgjedhjet presidenciale/ 13 kandidatë në garë për postin e kreut të shtetit 24/11 09:43
Grupi veteran i muzikës rrok Bi-2 u ndaluan pas një koncerti në Puket për mungesë “leje pune”, në incidentin më të fundit me artistë anti-luftë në vend.
Anëtarët e grupit të njohur disident në Rusi që kritikojnë luftën në Ukrainë, janë arrestuar dhe përballen me deportim në Tailandë pas disa koncerteve në qytetin turistik Puket.
Zyrtarët e emigracionit thanë se Bi-2 po punonin pa lejen e përshtatshme prandaj janë transferuar në Bangkok, por dyshimet janë të forta se autoritetet e Moskës kanë urdhëruar ndalimin e aktivitetit të tyre anti-qeveritar.
Bi-2 janë grupi më i suksesshëm i muzikës ‘rock’ në gjuhën ruse dhe njihen për dënimin e sulmit të Moskës në Ukrainë. Kryevokalisti i tyre Igor Bortnik, është quajtur më parë nga autoritetet “agjent i huaj”, pas kritikave dhe satirës online ndaj Vladimir Putin.
Shumë muzikantë rusë anti-luftë janë larguar nga vendi që prej sulmit në Ukrainë dhe po bëjnë turne jashtë vendit.
Mediat e pavarura thonë se arrestimi i Bi-2 mund të shërbejë si një paralajmërim për të tjerë artistë që kritikojnë Moskën në performancat e tyre, megjthse Kremlini i quan veprimet e tyre “jopatriotike”.
Në lidhje me arrestimin e Bi-2 ministria ruse e jashtme tha se mund të akuzohen për terrorizëm prej mbështetjes publike për Ukrainën, shkruan rrjeti TheGuardian.
Arresti është incidenti më i fundit me artistë rusë në Tailandë teksa më parë në Phuket autoritetet anuluan shfaqjen e dy komedianëfve të njohur rusë që kritikojnë luftën.
Edhe artistët Maxim Galkin e Ruslan Beliy, janë shpallur agjentë të huaj nga Kremlini.
Burimet e mediave thonin se Bi-2 u ndaluan në Phuket me kërkesën e konsullit rus në ishull Vladimir Sosnov.
Avokati i Bi-2 tha sot se anëtarëve të grupit u ishte mohuar e drejta e largimit drejt Izraelit ose Australisë, sipas qytetarisë së dy prej anëtarëve të grupit.
Top Channel
Rumania mban zgjedhjet presidenciale/ 13 kandidatë në garë për postin e kreut të shtetit 
