Njihej për rolin e saj në serialin ikonik “Gossip Girl”, ndërron jetë në moshën 39-vjeçare aktorja hollivudiane 26/02 21:35
Kate Middleton u kthye sot në shtëpi në Windsor pas një qëndrimi 14-ditor në Klinikën e Londrës në Marylebone pas operacionit abdominal.
Një zëdhënës i Pallatit Kensington tha: Princesha e Uellsit është kthyer në shtëpinë e saj në Windsor për të vazhduar shërimin e saj pas operacionit. Gjendja e saj është e mirë. Princi dhe Princesha dëshirojnë të falënderojnë të gjithë ekipin në Klinikën e Londrës, dhe në veçanti stafin e përkushtuar të infermierisë, për kujdesin që kanë ofruar.
Zëdhënësi shtoi se familja vazhdon të jetë mirënjohëse për urimet që kanë marrë nga e gjithë bota. Princesha e Uellsit, sipas njoftimit fillestar, nuk pritet të kthehet në detyrat zyrtare para Pashkëve. Sidoqoftë, koha e saktë do të varet nga këshillat e mjekëve. Ndërkohë, Princi Ëilliam do të kthehet në detyrat e tij publike pasi Kate të jetë mirë.
Në të njëjtën kohë, Mbreti Çarls qëndron sot i shtruar në të njëjtën klinikë, ku u shtrua tre ditë më parë për një operacion për shkak të zmadhimit të prostatës.
Top Channel
