Gjermania “lodhet” nga ukrainasit/ Nëse fitojnë zgjedhjet, konservatorët do shkurtojnë ndihmat për 1.2 milionë refugjatë 25/11 13:30
Dy nga fëmijët e aktorit të njohur nigerian John Okafor janë arrestuar me akuza vjedhjeje të fondeve për pagesat e shtrimit të tij në spital vitin që shkoi.
I njohur ndryshe si ‘Mister Ibu’, 62-vjeçari u detyrua të gjymtonte njëren këmbë në nëntor, dhe një skemë donacionesh u organizua për pagesat e kurave.
Djali i tij Daniel Okafor dhe bija e adoptuar Jasmine Chioma akuzohen tashmë se kanë përdorur celularin e tij për të transferuar të paktën $60,700 për veten e tyre.
Dyshja nuk kanë komentuar që prej arrestimit të tyre në qyteti e Lagos.
Policia vendase lëshoi një deklaratë për arrestimin e tyre dhe hetimet për mashtrimin u raportuan në seancën e të enjtes, shkruan rrjeti britanik BBC.
Në gjykatë u tha se ata mund të liroheshin nëse paguanin garancinë prej $17,000 por deri tani ata mbeten në paraburgim.
Hetimet e policisë thanë se fëmijët e aktorit kishin instaluar një aplikacion në celularin e të atit pas nisjes së fushatës së mbledhjes së fondeve, që i aftësonte të transferonin paratë jashtë llogarisë së tij.
Problemet shëndetësore të zotit Ibu u bënë publike prej tetorit kur familja postoi një video të aktorit duke festuar në spital, ku ai i kërkonte fansave ndihmë me faturat mjekësore, dhe reagimi ishte iu gjere.
Aktori është bërë i famshëm që 20 vjet më parë me rolet e tij komike.
Industria gjigante e filmit në Nigeri njihet ndryshe dhe si ‘Nollywood’, shtrihet në disa dekada.
Mediat vendase thonë se aktori ka një total prej 13 fëmijësh, disa prej të cilëve të adoptuar.
Top Channel
