“Arsyen e zbulova vonë”, shoferi besnik i Princeshës Diana flet për herë të parë pas 27 vitesh: Ajo do të ishte ende gjallë sot! Pengu im është se… 12/11 21:57
Kryeministri i Spanjës, Pedro Sanches ka zbardhur takimin me homologun shqiptar, Edi Rama.
Përmes një postimi në rrjetin social “X”, Sanches shkruan se Qeveria e Spanjës njeh progresin e bërë nga ana e Shqipërisë në rrugën e saj drejt Bashkimit Evropian, duke e vendosur atë në ballë të procesit të hapur të integrimit të Ballkanit Perëndimor.
“Sot pasdite u takova me Kryeministrin e Shqipërisë, Edi Rama. Qeveria e Spanjës njeh progresin e bërë nga Shqipëria në rrugën e saj drejt BE-së, duke e vendosur atë në ballë të procesit të hapur të integrimit në Ballkanin Perëndimor”, shkruan Sançez.
Esta tarde me he reunido con el primer ministro de Albania, @ediramaal.
El Gobierno de España reconoce los avances conseguidos por Albania en su camino hacia la UE, situándose a la vanguardia del proceso de integración abierto en los Balcanes Occidentales. pic.twitter.com/UJegHcq8ZR
— Pedro Sánchez (@sanchezcastejon) January 23, 2024
Kujtojmë se kryeministri Edi Rama nisi sot një vizitë pune dy ditore në Spanjë me rastin e pjesëmarrjes së Shqipërisë në panairin gjigand të turizmit “FITUR, Madrid”.
Kryeministri Rama u prit nga Sanchez në një takim kokë më kokë, në zyrën e tij në Madrid, që do të pasohet nga takimi i zgjeruar dypalësh mes dy delegacioneve, ku në përbërje të delegacionit që shoqëron Kryeministrin Rama janë edhe disa nga kryetarët e bashkive të vendit tonë.
Ditën e nesërme, Kryeministri Rama do të marrë pjesë në çeljen e Panairit Ndërkombëtar të Turizmit “FITUR 24” që do të bëhet nga Mbreti i Spanjës Felipe VI, ku do të prezantohet diversiteti i pasur turistik i vendit tonë, si një destinacion unik për t’u promovuar e vizituar.
Gjatë pjesëmarrjes në panair, Kryeministri Rama do të takohet me sipërmarrës dhe drejtues të kompanive prestigjioze botërore, si dhe përfaqësues të Organizatës Botërore të Turizmit.
Top Channel
