Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Jorgen Xoxi, ish-bashkëshorti i Ledjonës, në një lidhje live për emisionin “Shqipëria Live” në Top Channel tha se ka marrë mesazhë kërcënuese pas komentit të tij për banoren e Big Brother VIP 3.
Ke thënë se ke marrë mesazhe kërcënuese?
“Po, kam marrë kërcënime të ndryshme, i kam të gjitha në telefon, nga njerëz të panjohur. Mesazhe nga më të ndryshmet, ‘do vijmë të të vrasim’, do të lemë sakat’. Unë nuk jam këtu për t’i prishur punë Ledjonës, ajo ishallah e fiton Big Brother”, tha Xoxi.
Po ashtu ai deklaroi se Ledjona e ka dërguar vajzën e tyre në Korçë, por ajo viziton vetëm gjyshërit, pasi sipas tij, vajza e tyre nuk komunikon më me atë, ashtu siç komunikonin para lidhjes së tij me një tjetër.
Jorgeni pranoi se i ka kërkuar falje vajzës së tij pas komentin, pasi ajo e kishte telefonuar për ta pyetur përse e kishte shkruar. Ai deklaroi se ndarja e tyre ka qenë me mirëkuptim dhe se kurrë nuk ka ushtruar dhunë ndaj Ledjonës.
“Nuk kam punë me Ledjonën, dua të shoh vajzën time. Vajza vjen te gjyshi te gjyshja, i them hajde te babi, thotë ‘nuk dua’. Unë me vajzën nuk komunikoj të më thotë ça ka, më parë më fliste, e mbaja unë se unë jam babai. Nuk e faktoj dot a ka dorë Ledjona apo jo. Tashi nuk e di a e ka ndaluar. Në Korçë vjen. Nuk e di, e kam kontaktuar dy vite më parë e kam pyetur pse nuk më afrohet çupa, nuk më jepte asnjë përgjigje. Prindërit e mi nuk duhet ta prishin marrëdhënien, mbase se e kanë mbesë. I them pse nuk flisni, thonë ‘nuk duan ta mërzisim, ta bezdisim’”, tha Xoxi.
Ai tregon se vajza i ka shkruar pas komentit, duke i treguar se te shkolla i kanë përmendur babain.
“Para dy ditësh kur bëra komentin i kishte kërkuar numrin e telefonit prindërve të mi. Më tha ‘pse më ke shkruar ashtu se më thonë te shkolla ç’e kishe atë babin ashtu’, dhe i thash që ‘nuk e kupton akoma je e vogël’. Më lënduan komentet e të tjerëve, se më thanë pse të hodhi poshtë Ledjona. Më 1 dhjetor i thashë prindërve që i thoni vajzës që dua ta festoj se kishte ditëlindjen, kishte thënë ‘nuk vij’, nuk doja më tha mua. Ka qenë një ndarje me mirëkuptim, rrugët tona duhet të ndaheshin. Ramë të dy dakord për ndarjen. Nuk kam unë pse të flas keq, se është nëna e vajzës sime. I kam kërkuar edhe çupës falje për komentin”, u shpreh ai.
Jorgen Xoxi reagoi pas akuzave nga shoqja e Ledjonës se ka dhunuar vjehrrin e tij.
“Atë ditë që ka ndodhur kjo situatë kam dalë me shoqërinë time. Më kanë goditur mua, dhe e kanë parë në kamera, nuk e di si i kanë bërë punët e tyre. Mund të flasin vetë kunatat. E kanë manipuluar. Nuk e kam goditur. Ka qenë mamaja dhe babai im prezent. Mund ta hetoni po të doni. E kam ‘ngrënë’ kot padinë në gjykatë. Jam dënuar kot me gjobë. Janë bërë kot, e dinë shumë mirë se i kanë parë filmimet”, tha Jorgeni.
Pyetjes nëse kishte ushtruar ndonjëherë dhunë ndaj Ledjonës, ai iu përgjigj “Jo asnjëherë”.
Top Channel
