“Rikthimi i Trumpit në Shtëpinë e Bardhë”, Johnson: Është ajo që i duhet botës

Në rubrikën e tij të përjavshme të Daily Mail, ish-kryeministri britanik argumentoi se nëse Trump mbështet Ukrainën në luftën e saj kundër Rusisë, atëherë lidershipi i tij i rinovuar “mund të jetë një fitore e madhe për globin”.

Kjo pavarësisht faktit se Trumpi vetë ka hedhur në mënyrë të përsëritur dyshime mbi vijimësinë e mbështetjes së SHBA-së për Kievin nëse ai rizgjedhet, ndërsa mburret për marrëdhëniet e tij me presidentin rus Vladimir Putin. Trump, i cili gjithashtu ka qenë vazhdimisht kritik i hapur ndaj NATO-s, ka deklaruar më herët se mund “t`i japë fund luftës së Rusisë kundër Ukrainës brenda 24 orësh”.

“Unë thjesht nuk mund ta besoj se Trumpi do t`i lerë në baltë ukrainasit, përkundrazi duke e kuptuar tashmë se nuk mund të bëhet më asnjë marrëveshje me Putinin, mendoj se ka një shans të mirë që ai t`i dyfishojë përpjekjet e veta dhe të përfundojë atë që filloi – duke u dhënë atyre pikërisht atë cfarë u nevojitet për të fituar”, ka shkruar Johnson.

“Në qoftë ky rasti, atëherë të gjitha gjasat janë që me Trumpin, perëndimi të bëhet më i fortë dhe bota më e qëndrueshme”, shton ai.

Të premten, presidenti ukrainas, Volodymyr Zelenski, e ftoi kryesuesin e garës për nominimin republikan që të vizitojë kryeytqetin e vendit të tij, duke mos ia kursyer tonet e ironisë në pohimin se “nëse vërtet mund ta ndalojë luftën në 24 orë, mjafton të shkojë në Kiev kur të dojë.

Top Channel