Pse Musk mund të sjellë humbje të konsiderueshme të vendeve të punës në SHBA 13/11 10:16
Ministrja e Shtetit për Marrëdhëniet me Parlamentin, Elisa Spiropali, reagoi nëpërmjet rrjeteve sociale, pas bllokimit nga të Komisionit të Reformës Zgjedhore nga opozita.
Kush mendon se Komisioni i Reformës Zgjedhore është ‘instrument për t’u përballur me këtë qeveri dhe këtë kryeministër’ ka dy rrugë, shkruan Spiropali.
“Ose të përgatitet që tani për dështimin e afërt në këtë ‘përballje’ – e bashkë me dështimin të përballet edhe me mbylljen e epokës së komisioneve bipartizane për reforma zgjedhore – ose të ndryshojë pa humbur kohë konceptimin e gabuar të një instance të tillë, duke e kuptuar tani, shpejt, se komisionet e ngritura për produkte ligjore konsensuale, nuk ngrihen për t’u përballur cjepërit brirë më brirë, po për të dialoguar kundërshtarët politikë në kërkim të kompromiseve të pranuara nga palët e përfshira në komision”.
Sipas ministres, Partia Socialiste mirëpret çdo ide apo platformë alternative të të gjithë deputetëve, që nuk i drejtohen komisionit në fjalë nga ballkoni.
“Ndërsa përballjen me këtë qeveri dhe këtë kryeministër, opozitat e disata që kemi në parlamentin e sotëm të karrigeve përmbys, flakadanëve tymhava apo gjumashëve kokëvarur, do ta kenë në qershorin e vitit të ardhshëm. Jo në komisionin e reformës zgjedhore. E patjetër që do të kenë mundësinë ta realizojnë dhe ta shijojnë deri në fund, siç e kanë realizuar dhe shijuar në 8 përballjet e fundit zgjedhore që nga viti 2013”.
Top Channel
