“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Ylli i Hollivudit, Emma Stone, i është përgjigjur kritikave për skenat grafike të seksit në filmin e saj të fundit, “Poor Things”, duke theksuar se ajo ishte një pjesë thelbësore e historisë së personazhit të saj.
Përshtatja e zhurmshme, shpesh e ndyrë e romanit të shkrimtarit skocez Alasdair Grey të vitit 1992 ka në qendër të vëmendjes Bella Baxter, e luajtur nga Stone, një grua e vdekur e ringjallur me trurin e një fëmije të palindur. Seksi luan një rol të rëndësishëm në film, si një mënyrë që i jep mundësinë Bellas që të eksplorojë dhe kuptojë trupin e saj, ndërsa të tjerët e lakmojnë atë.
Ajo ka një feminizëm të valës së tretë ndaj seksit, i çuar në ekstreme kur Bella mëson se mund të përfitojë nga aktiviteti që i pëlqen dhe kthehet në prostitucion për të financuar studimet e saj. “Ne jemi mjetet tona të prodhimit”, thotë me shaka ajo.
Megjithëse filmi, i cili u publikua më 22 dhjetor në SHBA dhe më 12 janar në Mbretëria e Bashkuar, ka marrë kryesisht vlerësime pozitive, skenat e tij të sinqerta dhe të bollshme seksuale kanë rezultuar të tepërta për disa kritikë dhe shikues.
Prezantuesja e BBC Radio 4, Samira Ahmed trajtoi temat e seksit dhe prostitucionit në intervistën e së martës, duke thënë se ishin “mjaft grafike, por unë mendoj se është e drejtë të thuash të pazakonta këto kohë në Hollywood”.
Stone u përgjigj se vendimi kishte qenë subjekt i shumë diskutimeve gjatë bërjes së filmit. “Shumë nga kjo kishte të bënte me të qenit e vërtetë me përvojën e Bella-s”- tha Stone, duke shtuar:” Ai (seksi) është padyshim një pjesë e madhe e përvojës dhe rritjes së saj, siç është, mendoj unë, për shumicën e njerëzve në jetë.”
“Por unë e shoh atë si vetëm një aspekt prej shumë të tjerave të përjetuara prej saj si zbulimi i kënaqësisë për ushqimin ose filozofinë, udhëtimin dhe kërcimin. Seksi është një aspekt tjetër”, vazhdoi ajo.
“Një nga gjërat për të cilat kishim folur që në fillim dhe mendova që ishte jashtëzakonisht e rëndësishme ishte se Bella është plotësisht e lirë dhe pa turp për trupin e saj”, tha Stone. “Ajo nuk di të turpërohet nga këto gjëra ose të mbulojë gjërat ose të mos zhytet në përvojën e plotë kur bëhet fjalë për ndonjë gjë.”
“Pra, që kamera të largohet nga kjo, ose të thotë, “OK, mirë, ne thjesht do ta ndërpresim të gjithë këtë sepse shoqëria jonë funksionon në një mënyrë të veçantë”… ndihej si mungesë e të qenit i sinqertë se kush është Bella. Unë nuk jam një person që dua vetëm të jem lakuriq gjatë gjithë kohës, por jam dikush që dua ta nderoj personazhin sa më shumë që të jetë e mundur,” tha Stone, duke shtuar se: “Kjo është pjesë e udhëtimit të saj, kështu që kush jam unë që të them që duhet të jetë e turpshme?”
Ahmed më pas pyeti regjisorin e filmit, Yorgos Lanthimos, nëse ai kishte ndonjë shqetësim në lidhje me portretizimin e prostitucionit si një “përvojë mësimore çliruese” krahasuar me “realitetin e prostitucionit si shfrytëzim dërrmues i grave”.
“Jo me të vërtetë,” tha Lanthimos. “Është në të njëjtin ton si pjesa tjetër e filmit. Ka një logjikë pas saj që mbështetet plotësisht nga udhëtimi i saj dhe mënyra e saj për t’u marrë vesh me botën dhe për të edukuar veten,” shtoi ai. “Nuk e kuptoj se si mund ta lidhësh atë me prostitucionin bashkëkohor apo historik… Historia është shumë e qartë se çfarë është.”
Top Channel
