Analiza e VOA-s/ Ish-Presidenti Trump dhe planet e tij me ‘Truth Social’ 19/09 22:48
Top Channel ka siguruar detaje nga komunikimi në grupin në Whatsapp të Komisionit të Reformës Zgjedhore.
Pasi është shkruar njoftimi për mbajtjen e mbledhjes së komisionit ditën e premte në orën 11:00, ka konfirmuar pjeskmarrjen Enkelejd Alibeaj, Kreshnik Çollaku dhe Eralda Tase, deputetë të grupuar krah Lulzim Bashës.
Kujtojmë se një ditë më parë, të mandatuarit e Edi Ramës dhe Lulzim Bashës në Komisionin e Reformës Zgjedhore gjetën gjuhën e përbashkët për të rinisur punën për ndryshimin e ligjit zgjedhor.
Dy bashkëkryetarët Damian Gjiknuri dhe Enkelejd Alibeaj hodhën firmat e tyre mbi letrën dërguar prezencës së OSBE në Tiranë ku i kërkohet ekspertë në fushën e zgjedhjeve për të asistuar punën e këtij komisioni.
Sot Gjiknuri dhe Alibeaj u takuan me kryetaren në Detyrë e Prezencës së OSBE-së në Shqipëri, Clarisse Pasztory.
Në një postim në rrjete sociale ajo thekson se mirëpret rifillimin e punës të premten për Reformën Zgjedhore dhe përshpejtimin e saj javët e ardhshme.
“Takova sot b/kryetarët e komisionit të ref. zgjedhore @DGjiknuri @enkelejdalibeaj. Mirëpres rifillimin e punës të premten & përshpejtimin e saj javët e ardhshme, me ndihmë e ekspertizë nga @osceinalbania& @OSCE/odihr. Vijojmë takimet gj/përfshirëse për këtë reformë të rëndësishme“, shkroi ajo.
Top Channel
