Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Kreu i Bashkimit Demokratik për Integrim, Ali Ahmeti ka deklaruar se pavarsisht sepse qëndron prej vitesh në krye të BDI-së dhe ka udhëhequr forcën politike që ai përfaqëson drejt fitoreve politike, figura e tij nuk është e çimentuar në krye të kësaj force politike.
I ftuar në “Top Story”, Ahmeti tha se deri tani ka respektuar vullnetin e qytetarëve.
Ahmeti: Unë nuk jam në krye të BDI-së në mënyrë të përjetshme. Por edhe dhunshëm nuk kam ardhur në BDI, kam ardhur me votë të lirë dhe mandatin e deputetit e kam fituar me votë të drejtëpërsëdrejtë të qytetarëve. Këtu nuk ka asnjë dyshim që unë kam respektuar vullnetin e qytetarëve.
Rakipllari: A ka garë brenda partisë tuaj? Sepse ju në parim mund të qëndroni pafundsisht në krye të partisë tuaj. Ju keni pasur rezultat në zgjedhje, keni qenë pjesë e qeverisë. Por gjithsesi në hapësirat shqiptare ekziston ky problemi që palët kërkojnë të qëndrojnë për një kohë të gjatë në krye të partisë.
Ahmeti: Jo unë dhunshëm nuk qëndroj kryetar i BDI-së. Statuti i partisë tonë ka ndryshuar në kongresin e fundit. Zgjedhjet që jamë bërë para 1 viti u bën një anëtar një votë deri te kryetari i degës. Zgjidhen me vota të fshehta me kuti. 4 kuti janë në qendrat e votimit.
Në zgjedhjet që do të bëhen sërish për kryetar partie do të ketë një anëtarë një votë.
Duma: Një anëtar një votë edhe në zgjedhjet për kryetar partie? Mirë kjo është hapje për partinë tuaj.
Rakipllari: Por kandidat përballë jush nuk ka?
Ahmeti: Tani gara është e hapur, unë nuk kam ç’bëj.
Top Channel
